更多
2021-02-02
443 瀏覽
見到呢間煲仔飯新開張無耐,但係門口都已經成日有人排隊,鍾意試新嘢嘅我就貪得意去買個外賣黎試下啦。估唔到佢主打煲仔飯之餘仲賣埋點心,全店嘅價錢都偏貴。前菜——花雕雞腎($15)雞腎食落好爽口,唔會好韌而且好香花雕味,不過唔鍾意花雕味嘅可能會覺得有啲苦,成碟份量唔算多,都幾好食。點心——陳皮牛肉球($22)牛肉球比平時食開嘅細粒啲,一客有兩粒,計返一粒$11都幾貴。食落口感比普通牛肉球實啲,牛肉味都幾香。點心——蟹籽香菇燒賣($28)燒賣都係比平時嘅細粒啲,不過上面好多蟹籽!一咬落去就見到有蝦,然後就係冬菇同豬肉嘅香味,食落口感爽口彈牙,好味。點心——奶皇小豬包($22)一客有兩個細細個嘅奶皇包仔,豬仔形狀都幾得意,食落餡料都幾多,啲奶皇唔係流心嘅,幾香甜細滑,唔錯。豉汁白鱔煲仔飯($128)見到外賣紙上面放大左呢款煲仔飯嘅相,睇落好似好吸引就叫黎試下啦。拎到返屋企成個煲都仲係熱辣辣而且有啲飯焦,唔錯。成個飯份量適中,上面有四舊白鱔,啲魚肉都算厚,食落幾嫩滑仲有啲陳皮味,幾香。豉汁排骨煲仔飯($80)本來係想下試鳳爪排骨飯,不過鳳爪賣曬,唯有試下排骨飯。啲排骨嘅調味同白鱔煲仔飯有啲似,都係
前菜——花雕雞腎($15)
雞腎食落好爽口,唔會好韌而且好香花雕味,不過唔鍾意花雕味嘅可能會覺得有啲苦,成碟份量唔算多,都幾好食。
點心——陳皮牛肉球($22)
牛肉球比平時食開嘅細粒啲,一客有兩粒,計返一粒$11都幾貴。食落口感比普通牛肉球實啲,牛肉味都幾香。
點心——蟹籽香菇燒賣($28)
燒賣都係比平時嘅細粒啲,不過上面好多蟹籽!一咬落去就見到有蝦,然後就係冬菇同豬肉嘅香味,食落口感爽口彈牙,好味。
點心——奶皇小豬包($22)
一客有兩個細細個嘅奶皇包仔,豬仔形狀都幾得意,食落餡料都幾多,啲奶皇唔係流心嘅,幾香甜細滑,唔錯。
豉汁白鱔煲仔飯($128)
見到外賣紙上面放大左呢款煲仔飯嘅相,睇落好似好吸引就叫黎試下啦。拎到返屋企成個煲都仲係熱辣辣而且有啲飯焦,唔錯。成個飯份量適中,上面有四舊白鱔,啲魚肉都算厚,食落幾嫩滑仲有啲陳皮味,幾香。
豉汁排骨煲仔飯($80)
本來係想下試鳳爪排骨飯,不過鳳爪賣曬,唯有試下排骨飯。啲排骨嘅調味同白鱔煲仔飯有啲似,都係有豆豉同辣辣地咁,幾香口。排骨食落啱啱好,唔會太硬或者太軟,啲飯都係軟糯適中,唔錯,不過整體有啲普通。
客家梅菜扣肉煲($88)
扣肉係薄切嘅,食落係口化開幾香幾入味,而且佢啲肉片排得幾得意,係肥瘦肥瘦咁擺,唔知係特登定咁啱呢?底下仲有啲唐生菜墊住,都係好軟好入味,不過成個煲份量偏少。
買外賣嘅時候店員會叫你預30至45分鐘左右,所以大家如果想買外賣嘅可以預早啲去叫定先。全店餸菜份量都偏少,有啲貴,不過點心好有驚喜,都幾香幾好味。
每個煲仔飯/煲仔餸俾$40蚊按金就可以連煲同保溫袋拎走,keep住張單同保溫袋,再洗返乾淨個煲俾佢就可以拎返按金~
張貼