影片
更多
2024-07-08
203 瀏覽
《Kailash Parbat - 尖沙咀》早前朋友邀請請我食左餐印度菜，由於佢係素食者既關係，所以今次可以話係我第一次食素印度菜，一改我對印度菜只食咖哩既印象🤓原來印度菜都咁啱我口味的🫶🏻我朋友點左幾樣佢覺得勁開胃既菜式比我試下，外型好特別，味道多變化，Paneer芝士仲令我一試難忘添💁🏻♀️PANEER TIKKA LABABDAR $119當晚我大愛既菜式，口味偏甜既咖哩，用黎點薄餅勁好食，入而有海量煙韌而又啖啖奶香既芝士，齋食同點餅都同樣好食👍🏻👍🏻👍🏻💁🏻♀️PALAK PATTA CHAAT $79同樣係酸甜口味既菜式，用左炸天婦羅既方法，將菠菜葉夾住甜辣醬再炸香，上面淋有乳酪同埋好惹味既醬汁，加上石榴肉既香甜，口感特別，係我未食過嘅味道 💁🏻♀️CHOLE BHATURA $105其實我都幾鍾意食鷹嘴豆，算係比較優質嘅澱粉，煮腍咗之後咬落粉粉的幾好食又飽肚，呢一度將佢混合埋醬汁一齊煮，口味香濃，用嚟點薄餅就最啱不過，口味微微帶辣，一道幾開胃嘅菜式💁🏻♀️RAGDA PATTICE $80 呢一度都係我幾鍾意嘅印度菜式，佢其實係炸薯餅咁，但係口感上比較黏同埋有咬勁，應該係加
早前朋友邀請請我食左餐印度菜，由於佢係素食者既關係，所以今次可以話係我第一次食素印度菜，一改我對印度菜只食咖哩既印象🤓原來印度菜都咁啱我口味的🫶🏻我朋友點左幾樣佢覺得勁開胃既菜式比我試下，外型好特別，味道多變化，Paneer芝士仲令我一試難忘添
💁🏻♀️PANEER TIKKA LABABDAR $119
當晚我大愛既菜式，口味偏甜既咖哩，用黎點薄餅勁好食，入而有海量煙韌而又啖啖奶香既芝士，齋食同點餅都同樣好食👍🏻👍🏻👍🏻💁🏻♀️PALAK PATTA CHAAT $79
同樣係酸甜口味既菜式，用左炸天婦羅既方法，將菠菜葉夾住甜辣醬再炸香，上面淋有乳酪同埋好惹味既醬汁，加上石榴肉既香甜，口感特別，係我未食過嘅味道 💁🏻♀️CHOLE BHATURA $105
其實我都幾鍾意食鷹嘴豆，算係比較優質嘅澱粉，煮腍咗之後咬落粉粉的幾好食又飽肚，呢一度將佢混合埋醬汁一齊煮，口味香濃，用嚟點薄餅就最啱不過，口味微微帶辣，一道幾開胃嘅菜式💁🏻♀️RAGDA PATTICE $80
呢一度都係我幾鍾意嘅印度菜式，佢其實係炸薯餅咁，但係口感上比較黏同埋有咬勁，應該係加咗粘米粉製作，令到佢有彈牙嘅感覺，點埋佢甜甜酸酸嘅醬汁，可以中和個飽滯感💁🏻♀️POT RICE $110
當日叫左一款主食，微微香辣既醬汁配上用左窄身既印度米炒既飯，有汁送飯好易入口，入面有嬈娃菜、什菜、西蘭花等吸味既配菜，十分掛汁，幾好味架💁🏻♀️開心果奶昔 $65
作為開生果人嘅我又點會唔飲呢個開心果奶昔呢？見到好多人介紹，味道偏向奶香，唔算好甜，入口有果仁嘅香氣，但係我就覺得唔夠濃郁，不過大大杯而且味道有啲似開心果奶，易入口得來又幾細滑，都可以一試
💁🏻♀️芒果奶昔 $55
另外呢杯芒果奶昔就配搭得十分好，香甜嘅芒果配上牛奶飲落順滑，$55都幾抵飲，啱晒芒果愛好者
張貼
