牛牛日式火鍋放題 (北角匯二期) (已結業)

今日放假，知道屋企樓下有間日式火鍋非常好味，而且媽媽未試過，所以就帶佢落去食好嘢👏🏻😋。<<蕃茄湯底🍅 & 澳洲綠草原羊肩肉🐐>>我就叫咗蕃茄湯底，湯底入面有勁多蕃茄，味道非常濃郁，酸酸甜甜，非常開胃😍再加澳洲嘅羊肩肉。羊肉非常嫩滑。而且羊嘅味道非常重。最難得嘅係一啲膻味都冇！食得出羊肉非常新鮮👍🏻蕃茄湯嘅酸味令到羊肉嘅鮮味咁突出。兩樣夾埋非常好食😍<<膠原豬骨鍋🐷 & 極上牛舌🐮👅>>而媽媽就叫咗膠原豬骨鍋😋呢個湯底豬肉味非常濃郁，湯底煲到奶白色。飲落口嘅時候Feel到有少少膠質嘅感覺。而且味道非常鮮甜。完全feel到廚師落足料去煲😍。牛舌口感非常爽口。肉質非常腍身。豬骨湯令到牛舌嘅味道更突出同更鮮味。真係超正👍🏻除咗嘢食好味之外，媽媽仲覺得餐廳嘅環境都幾靚，幾舒服！我希望下次再嚟食多次👍🏻