影片
更多
2024-04-25
37 瀏覽
今晚同朋友喺銅鑼灣行完街就過嚟食好嘢我地都期待咗全日，所以日頭唔敢食太飽入到餐廳裡面已經覺得環境好好，可以望住師傅煮嘢食，又有好靚嘅夜景我地揀咗Takiyan Dinner Tasting Menu, 足足11道菜師傅俾我地睇下今晚嘅主菜先：美國頂級牛柳、澳洲龍蝦、鵝肝首先有餐廳自己醃嘅漬物，真係幾開胃！印象最深刻係柚子蘿蔔，酸咪咪好食，我食咗好多舊自家製醬汁煮南非鮑魚呢樣係用自家製醬料煮咗4-5個鐘嘅鮑魚，真係好腍，唔難咬，鮑魚下面仲有舊蘿蔔，索哂啲汁好入味3款季節刺身我夾住嗰舊係淋咗松露油&有少少淡雪鹽嘅真鯛刺身，食落真係好香松露味，由於已經有鹽，所以唔洗點豉油食，好食3款都好新鮮！金鎗魚腩手卷配咗塊最中餅好精緻好味！海鮮茶碗蒸有蟹肉雞蛋仲好滑澳洲龍蝦可以睇住師傅喺正前面燒龍蝦，係好好睇嘅表演而且燒到一半左右仲會切做一粒粒，勁方便食，同時每粒都燒得好味香煎鵝肝配自家製醬汁輕輕燒過啲麵包，配鵝肝好好食，仲有啲意大利黑醋，成個配搭冇咁膩好似車厘子咁嘅原來係黑豆，驚我地好難夾起啲豆所以串起咗，本身仲諗緊黑豆有咩特別，點知係甜甜地幾好食呢道幾有驚喜美國頂級牛柳我地試哂薄切同厚切薄切嘅牛入面
我地都期待咗全日，所以日頭唔敢食太飽
入到餐廳裡面已經覺得環境好好，可以望住師傅煮嘢食，又有好靚嘅夜景
我地揀咗Takiyan Dinner Tasting Menu, 足足11道菜
師傅俾我地睇下今晚嘅主菜先：美國頂級牛柳、澳洲龍蝦、鵝肝
首先有餐廳自己醃嘅漬物，真係幾開胃！印象最深刻係柚子蘿蔔，酸咪咪好食，我食咗好多舊
自家製醬汁煮南非鮑魚
呢樣係用自家製醬料煮咗4-5個鐘嘅鮑魚，真係好腍，唔難咬，鮑魚下面仲有舊蘿蔔，索哂啲汁好入味
3款季節刺身
我夾住嗰舊係淋咗松露油&有少少淡雪鹽嘅真鯛刺身，食落真係好香松露味，由於已經有鹽，所以唔洗點豉油食，好食3款都好新鮮！
金鎗魚腩手卷
配咗塊最中餅好精緻好味！
海鮮茶碗蒸
有蟹肉雞蛋仲好滑
澳洲龍蝦
可以睇住師傅喺正前面燒龍蝦，係好好睇嘅表演而且燒到一半左右仲會切做一粒粒，勁方便食，同時每粒都燒得好味
香煎鵝肝配自家製醬汁
輕輕燒過啲麵包，配鵝肝好好食，仲有啲意大利黑醋，成個配搭冇咁膩好似車厘子咁嘅原來係黑豆，驚我地好難夾起啲豆所以串起咗，本身仲諗緊黑豆有咩特別，點知係甜甜地幾好食呢道幾有驚喜
美國頂級牛柳
我地試哂薄切同厚切薄切嘅牛入面會包住蒜片同蔥，厚切就比較重牛味，唔夠味可以點旁邊啲鹽，兩款都好味
煙肉香蒜炒飯
師傅炒飯炒到啲飯跳起咁，超勁又睇得又食得
仲有炒什菜同蜆湯，炒什菜主要係芽菜，好爽口食咗咁多嘢飲碗蜆湯好舒服，好解膩
甜品
今日甜品係士多啤梨汁嘅啫喱，好清新，士多啤梨味又唔會假係一個完美嘅ending
整體環境、食物同服務都好好，侍應服務真係值得一讚，唔洗我地講都會主動斟水，仲會問下我地啲食物啱唔啱食最勁係食完成餐飯件衫都唔會有油煙味呢樣加哂分
張貼
