大小姐冰室

營業中

休息中

友人從外地返港，難得一聚，便揀了我們以前一直吃開，在他家附近嘅大小姐冰室。因為依度嘅消費性價比比較高，最重要嘅係唔會趕客走，冇限時😌我哋最鍾意嘅，仲有佢嘅大大杯飲品 - 爆珠雜果賓治及紅豆奶茶，真係勁多爆珠同埋紅豆，正！佢話喺外邊好耐冇食過有鑊氣嘅小炒，所以返到嚟嘅時候，繼續食我哋以往食開嘅乾炒牛河茄子飯同埋魚香茄子飯，我飲例湯，佢飲燉湯。唯一今次唔同嘅，就係叫多咗兩隻蟹鉗，一人一隻，Cheers~ (真係有啲無聊😅）乾炒牛河一上枱，因為超級香，我哋二話不說就已經起筷。到魚香茄子煲一上枱，佢就嘩嘩聲，嘩好耐冇食過啲有鑊氣嘅嘢，好懷念以前嘅日子…唉，我都好懷念以前一齊放學後成班人一齊去溫書，然後夜晚係依度食埋飯先返屋企嘅日子。