喜記避風塘炒辣蟹 (肇明大廈)

營業中

休息中

上星期日去咗銅鑼灣嘅喜記避風塘炒辣蟹食小炒，非常有風味！因為我哋都鍾意食海鮮，所以就叫咗三款地道小炒，分別係椒鹽瀨尿蝦 、招牌避風塘炒辣蟹同埋豉椒炒蜆。先講講招牌嘅避風塘炒辣蟹，佢嘅醬汁非常濃郁，而且鋪滿咗辣椒，非常入味，但又唔會遮蓋咗蟹肉嘅鮮甜味，而且啖啖肉又多汁，非常惹味。而椒鹽瀨尿蝦方面，佢嘅size比想象中大，而餐廳已經切咗一舊舊，非常方便食，蝦嘅肉質厚身彈牙，食落啖啖椒鹽味，好入味！豉椒炒蜆嘅醬汁亦都做得非常好，唔會好咸，每隻蜆都係開嘅而且蜆肉嘅味都好鮮，證明好新鮮！另外值得一提蜆肉冇沙，食材處理得好好。總括而言，呢間餐廳適合鍾意食海鮮同大排檔小炒嘅朋友食！