大壹燒鵝 (啟田大廈)

營業中

休息中

同朋友喺藍田行完街，是但搵一間餐廳填肚，估唔到有意外驚喜。一間空間好大嘅茶餐廳，有兩層嘅座位，坐位好舒服，夠寬敞。我哋去嘅時間仲可以揀午市或者下午茶，其實食物嘅選擇相類，我諗係價錢同份量嘅分別。因為我哋其實係想食個early dinner，但又未夠鐘叫晚市套餐，所以我哋就單點。嚟呢度唔叫燒鵝好似對唔住自己，所以就叫咗個燒鵝飯，燒鵝皮好脆，有油香，啲肉又唔會太肥；另外佢飯嘅份量好多，兩個人都食唔晒。所以我哋叫咗咕嚕肉、椒鹽豆腐同蒜蓉炒芥蘭，好少茶餐廳嘅叫餸食飯可以整得咁有鑊氣。