陳根記

營業中

休息中

今晚一家人即興嚟陳根記食晚飯，場面好旺好多人。第一次幫襯，我哋叫了5個小菜，但等咗半個幾鍾先陸續上菜…都真係有啲耐，因為我哋叫嘅菜都唔係全部需時咁耐…第一個餸到嘅係呢碟椒鹽九肚魚，脆口好味😋第二道係呢碟孜然一條骨，老公覺得幾好食，我就覺得無乜特別😆第三道菜係馬拉盞通菜，我覺得唔够味，偏淡。第四道菜係鬼馬鴛鴦浴，用蝦醬蒸豬肉，低舖有一層油炸鬼，係幾鬼馬嘅，但我覺得有少些咸。最後係咕嚕雞球，雖然外型一啲都唔似球體，但味道唔差，够脆口同甜酸味適中大排檔有冷氣都坐得舒服，但係雖然店内已使用了掃code落單，但係由於客人太多，店員比例偏少，呢樣我覺得有改善空間。