陳根記

營業中

休息中

以前只食過晚市，咁啱今日路經見佢有下午茶餐好似幾吸引，就入左去，叫左個茶餐，有煎蠔餅加魚片麵，包飲品。煎蠔餅正常發揮，比預期中大份，蠔份量足，味道正常，有芫茜。魚片麵用鮮魚片，有節瓜，湯底辣辣地，幾野味。呢個價錢算大份夾抵食，有驚喜！

菜式味道整體一般，蠔仔餅就不錯。但不值得專登過嚟。海鮮嘅質素都好普通。 都唔係好明白點解會咁旺。特別想提 叫咗一個蒜子大鱔煲，但上到嚟有好多豆腐火腩，鱔就反而唔多，這樣的做法有點出乎意料之外。

住呢邊朋友話唔好食宜家，唔信邪，有幾大期待，幾大失望，點解可以咁難食，又貴都唔明點解咁多人來食，乳鴿唔脆，炒硯澱粉水多，垃圾，完全莫性價比可言，絕對唔會有下次，大失所望芒果一口脆，更是難食到这个水平降得有点过低了吧，大排档顾名思义是要有锅气，今晚那个扬州炒饭，真的太不行了，没有锅气，味道平平，还有那个玉米芝士猪扒，感觉是昨天做好，加热就上菜的，说真的，真的觉得不会再去了。德記，泰源好食好多，夠鍋氣

Overrated and overpriced. Stir-fried dishes such as the fried noodles had no wok hay. Tiny portions especially the claypot dishes - both of the pig innards and satay beef and inoki mushroom pots were so small just like a one person portion. The corn soup was way too salty with tons of MSG. Staff at the door wasn't friendly. Had to return the table in 90 mins. The restaurant had been full since 6pm and people were waiting outside while other restaurants nearby had less than 50% customers. Honestl

過開嚟附近上堂，試一試搬咗嚟室內嘅陳根記。以前佢未搬入鋪之前，食過幾次，地道大排檔。而家搬出嚟冷氣地方，坐得舒服咗。驟眼睇都似以前的佈局，保留大排檔裝修。 位置坐得鬆動，自助茶水🙂午市套餐，多選擇。小炒粉麵，碟頭飯，蒸魚，都有得揀。叫咗個豉油雞飯，隻雞好滑。豉油汁甜甜的，易送飯。 朋友叫咗個星洲炒米，辣到唔算太勁。米粉炒得乾爽，夠熱。另外叫多咗個乾炒牛河，牛肉都爽口，唔韌。唔算太油，炒得OK，有鑊氣👍

開係商場入面既大排擋，朋友推薦所以來食，唔難食但無我想像中咁好，而且大排擋風味感覺唔大。陳醋手撕雞-少辣性價比唔高，手撕雞既份量唔多，有一半都係配菜，味道普通，覺得可以再辣d馬拉𦾟炒通菜味道不錯， 不過太油另外有白飯叫，不過冇影相，但14 蚊一碗仔白飯我覺得太貴。野飲有自家製既涼茶，我揀左菊花茶，味道還可以， 但真係太細支。最後買左芒果一口酥返屋企做甜品， 呢個係咁多樣野最好食既，而加算比較特別整體來講，唔太差，如果行開經過附近係可以一試，始終香港剩下既大排擋唔多了☺️

好耐無食陳根記 之前食已經係禾輋個陣今日去左馬鞍山探朋友 之後晚飯想食大排檔Search OP先知原來禾輋已經無左 搬左去石門揸車去到6:00鬆d 最後一張唔使等位 即刻入得全場爆滿Wasabi手撕雞 每次黎都必食 出面好少有 天氣熱好岩食 見幾乎附近台台都有叫紅燒乳鴿 上枱熱辣辣阿仔食到舔舔脷椒鹽鮮魷大排檔水準 好食wasabi沙拉骨呢個係我至愛 Wasabi溝埋沙律醬好好食 好特別薑蔥雞煲 份量比想像中少 但味道係ok南乳雜菜煲 我無特別好鐘意南乳 但朋友鐘意 不過不失豉油王炒麵呢個好食 有鑊氣 成碟清光光最後阿仔仲食左香蕉船真係好滿足好飽👍🏻

1982老字號「陳根記」在沙田禾輋邨冬菇亭紮根30多年，是廣為人知的港式大排檔，陪著不少沙田街坊成長。由於生意愈做愈旺，由早年的一個爐頭十數枱，開到十二爐九十枱。自從1997年隔壁的店鋪離開，陳根記就橫跨兩個大檔口，夜夜爆滿。全場可坐幾百人，每到六點即可入座，過七點就要等位。因為不獲領展續約，2018年搬到石門重開，繼續服務一眾街坊。新店地方企理，裝修盡量跟足大排檔的設計，設大圓枱，菜式不變，雖然加了價，但價錢始終跑贏大市，這裡的菜色相當豐富，更增設了午市。人氣菜式有Wasabi手撕雞、蠔餅、胡椒中蝦、燒乳鴿等。為趕上時代步伐，現已使用QR code自行落單。至於店家多款人氣甜品仍有供應，但食客必須自行到商場內的另一個舖面購買。聽聞「陳根記」2023年7月已正式進軍澳洲悉尼成為跨國企業啦！文章及更多圖片 https://sunny1948.blogspot.com/2024/05/blog-post_19.html

搬新鋪之後第一次幫襯，不用再排長龍，心裏暗喜！好期待食返當日大排檔嘅味道🤗店內刻意保留原址嘅風味，例如膠擋風膜，石屎地下，令人感覺似戶外食大排檔。侍應們服務尚好，有求必應，上菜速度快👌🏻🥢Wasabi 蟹籽手撕雞 （例）呢碟係凍盤，但係唔夠凍，wasabi味唔夠，雞份量唔算大份，都係舊舖好食啲。🥢孜然一條骨都算多肉，易咬開，但係唔夠乾身。只係食到孜然粉的味道，冇乜肉味。🥢時菜炒花枝片叫咗白菜炒花枝片，係清炒嘅，淡而無味，要靠蝦醬先夠味🥢豉椒鵝腸鵝腸夠肥，份量算多，豉椒味道可以🥢自家制檸檬薏米水同行友人叫咗嚟飲，味道偏酸，但有自家制飲品去濕，好適合香港人，可以試吓昔日的陳根記光環，似乎只能對遊客起作用 。作為一個本地的食客，有感大不如前，似乎比其他後起之秀（例如妹記），慢慢超前了😮‍💨性價比一般，平均$100一碟餸，可以有更多選擇。

香港已越來越少舊式大排檔，這裡可以看得出裝修上一𥖁一瓦都盡量保持以往。進步的是，現在已經用QR code落單了。可惜是食物缺乏質素，值不值得來就自行判斷了。叫了必食紅燒乳鴿、Wasabi魷魚鬚、沙嗲牛肉粉絲煲、豉油王炒麵及13香牛柏葉。紅燒乳鴿（$68）乳鴿燒得太乾，缺乏應有的汁和肉味。Wasabi魷魚鬚（$116）只是在魷魚鬚上面放了Wasabi醬，Wasabi的味太濃掩蓋魷魚鬚的香味。沙嗲牛肉粉絲煲（$86）粉絲煲得太過時，腍身到一pat pat。但牛肉OK。豉油王炒麵（$78）算是最正常，但也略嫌過火，有點苦味。13香牛柏葉（$128）非常多香料，喜歡辣的朋友應該喜歡。可能帶着太大的期望，所以有點失望。但氣氛來說，這裏還是挺好的。飲品（$36-3支）最大的失望應該來自飲品，叫了3支預先製的檸檬茶，但味道真的非常難喝，不夠凍，也沒有落糖似的，就像是融了冰放了很久的檸檬茶。可能今天茶水姐姐忘記了落糖。

之前去石門見這間 陳根記 超多人等位，所以就有興趣吃吃看。因為是大排檔就約埋朋友一起去吃，那就可以多點幾個餸。晚上6點前入座的話不用等位，6點後便見到坐滿人，用餐時間會是90分鐘。有實體餐牌，但下單的話會是用QR Code，另外會有店員走過時說今日有什麼招牌菜!?先點了 WASABI 魷魚鬚 (HKD 116) 聽說是這間必吃之一。預想那個醬會是嗆鼻的，但吃落竟然是帶甜味，像有點微微WASABI味的千島醬那樣子。外層炸粉不是脆的，魷魚則幾軟嫩。香煎蠔餅 (HKD 106) 有脆卜卜的口感。蠔好像沒什麼味道，這個一般。椒鹽九肚魚 (HKD 106) 非常酥脆可口，吃的時候還是有熱度的。魚肉也很滑，再加上香口的蒜粒之類更為惹味。而且是真的有吃到椒鹽的調味。聽到店員一直說今天有 芥菜 就點了。很大的一棵，吃落沒有苦味，多嚼幾口還有少許甘甜的味道。油鹽水琵琶豆腐 (HKD 92) 琵琶豆腐看起來跟鯪魚球很像。其實就是魚肉再加上豆腐，口感軟軟的，老人家也能吃。粟米魚肚羹 (HKD 88) 加了胡椒粉會比較有味。

陳根記搬左去石門既陳根記已經無以前咁多人，搬完之後食過一次覺得遜色左好多(不論氣氛定味道)，事隔年幾再比多次機會佢試下!黃金頭抽雞呀姐好主動過黎推介，見無咩心水菜就叫埋。不過都唔錯，雞夠滑，浸得夠味亦有雞味。椒鹽魷魚鬚炸得夠透夠甩脆，無食到一舊舊粉，但偏鹹生炒骨叫黎比D後生仔送飯一流，夠火喉，惟唔夠啖啖肉，肉粒較細。豉油皇鵝腸失望，無咩味，好韌身，咬唔開。砵仔焗蠔失望X2，咬落散開，食落粉粉地，無左蠔身爽口肉質，大家食左兩啖都無勇力KO佢。馬拉盞炒通菜份量比想像多，正常發揮豉油皇炒麵炒得算係咁， 唔會太濕亦唔係乾曾曾，可以食到1-2碗。野食整體黎講都係一般，無驚喜，無難忘，無咩想特別再Encore。唔知我地係咪晚巿較早食(6點半左右)，無咩人入座。雖然無咁好氣氛，但係可能少左野做反而D同事好好態度，又主動拎櫈比你放袋， 又主動跟單。呢樣係唯一令我受寵若驚既地方

今日嚟到陳根記晚餐，晚上7:00已經全場爆滿，座無虛席，呢度好多款餸菜選擇，真係眼花撩亂，我哋選擇咗三碟餸⋯豉汁蒸白鱔；好大碟，白鱔彈牙，吸晒豉汁嘅味道，好好味，豉汁配合白飯，絕配！炸蠔餅；炸得好脆口，粒粒蠔仔size適中，再配上魚露，增加風味～黑椒洋蔥牛仔骨；洋蔥、青椒、紅椒、再加埋牛仔骨顏色好豐富，賣相已經好好，非常夠鑊氣，好惹味～整體性價比高，其實陳根記呢間，我哋已經去過好幾次，食極都唔厭，哈！

呢兩年出左名諗住試一試佢，點知原來得個名，但真係好多人慕名而來，座無虛席。我同先生叫咗四樣嘢，分別係海蜇手撕雞，炸乳鴿，椒鹽魷魚同埋沙嗲牛肉粉絲煲…海蜇手撕雞同埋炸乳鴿都正正常常冇咩特別，椒鹽魷魚係冇落味的，要自己點鹽或者喼汁，沙嗲牛肉粉絲煲八十幾蚊但勁細碟，得兩啖粉絲，真係性價比極低！由於食物賣相唔吸引所以我地冇影低食物相。另外，叫左支蜜糖薏米檸檬水，$15支但勁細支，飲兩啖就冇晒！原來仲要收服務費，埋單都差唔多五百…唔好食又食唔飽，真係中伏了！可一不可再！

咁岩喱幾日凍左，除左打邊爐，大排檔都係個好選擇，今次係網上拎定飛，夾好時間過去都好快有枱，點了以下食物：1. 粟米魚肚羹：以4人計每人都可以飲到兩碗，粟米搞碎左，所以湯味幾香濃，魚肚就一粒粒。2. 金湯酸菜魚：個湯唔似酸菜魚，只係魚湯米線湯，又唔夠酸，魚片份量可接受，整體一般。3. XO醬炒花枝片：有韭黃、青椒絲一齊炒，花枝片量多，好惹味。4. 豉汁蒸排骨陳村粉：正宗陳村粉，絕不是採用腸粉，豉汁蒸排骨冇乜特別，如果醬汁多少少會更好。5. 椒盬豆腐：即炸大大粒，炸出黎唔散，份量幾多，放落口熱辣辣好正。6. 馬拉盞炒通菜：最佳配搭，夠鑊氣 & 惹味。7. (必試)甜品：芒果一口脆、榴槤忘反奶露、榴槤焦糖燉蛋。姐姐態度親切有禮，又提我地記得食甜品，讚讚讚!!