客家人

營業中

休息中

今日同家人食飯，最愛食中菜。今次揀咗長沙灣呢間餐廳食客家菜。餐牌款式好多種類。我地叫咗「客家鹽焗雞」呢個真係一定要試。味道唔會太鹹，保留返雞原有嘅鮮味👍🏻大大碟先係$138, 抵過出面買雪藏雞返屋企整。一人一件...食呀食...再叫多隻都仲得😋想清清地，叫咗碟煎釀豆腐，個汁好正呀🥰送飯一流，豆腐配魚肉係由細食到大嘅家鄉菜，豆腐滑溜溜👍🏻$108/碟 大大舊，最緊要餐廳整得好好味。疫情期間，選擇呢間餐廳唔錯，堂食環境幾寬敞，同其他食客有足夠距離。媽媽仲有好多野都想食，下次要再嚟再試埋其他菜式。