風車

營業中

休息中

今日夜晚同女朋友係大圍想食西餐，經過見呢間酒吧有西餐，望入去又算多人食緊，就入去試試。因為已經夜晚差唔多8點半，所以兩位唔洗等位。餐廳環境都幾舒服，好乾淨，又有d 英文歌聽。見餐牌個二人餐全部野都岩食，就叫左個二人餐。上菜都好快下，首先係前菜：意式田園沙律配煙鴨胸。個沙律好大份，d 沙律汁酸酸地，好開胃。而d 鴨胸係去左皮，冇左肥膏，好貼心。今日既餐湯係南瓜湯，南瓜味幾純，飲落有d 南瓜溶，不錯之後就係兩個主菜：先係波士頓龍蝦意大利粉，隻龍蝦好香芝士味，正！第二個主菜係紐西蘭肉眼扒配焦糖菠蘿，都好大塊，最突顯誠意既係d 配菜！個焦糖菠蘿好特別，有層薄薄地既脆焦糖係面，味覺上既享受！同埋d 菜係有好香既蒜蓉味，食到個碟好乾淨最後係餐飲同甜品，餐飲叫左一杯水果茶同檸茶，水果茶茶味好濃，相信係餐廳自己調，而非買現成既水果茶，值得一試！