瀛火日式放題

營業中

休息中

好耐無食過放題了自從多左火鍋同燒肉放題, 真係好耐無試過日式放題呢間餐廳真係令我回憶番人生第一次放題款式無連鎖式咁巨多, 但每樣食物由炸物, 壽司, 刺身, 熱葷到甜點都係唔馬虎的國際慣例坐低先黎一個刺身拼盤每樣都叫左少少試左先再主攻鍾意食的特別推介佢既挪威三文魚, 珍寶帶子以及阿根廷赤蝦挪威三文魚有好rich既魚油香味而且厚身珍寶帶子非常鮮甜夠凍阿根廷赤蝦軟糯既肉質又肥美壽司方面試左胡椒岩鹽燒左口魚裙邊, 花之戀, 白之戀, 黑松露劍魚腩同蟹膏珍寶赤蝦壽司賣相好精美.尺寸比起常規既細件, 可以試多d唔同口味黑松露劍魚腩既黑松露味十分突出左口魚裙邊同蟹膏珍寶赤蝦都係滑捋捋咁, 入口鮮甜小菜叫左幾款都印象好深刻飛天通菜既調味令味蕃一下子跳左去泰國黑椒薯仔粒炒一口牛又有大牌檔既鑊氣,每粒薯仔同牛肉粒都有走過油香蔥蒜蓉蒸帆立貝又突然去左茶樓, 帆立貝尺寸有驚喜, 仲要有埋粉絲底燒物方面一定要試佢既羊架聞到隔離台咁香叫黎試下, 果然肉嫩多汁天婦羅脆漿夠薄身,茄子內軟多汁蟹柳長度有點短, 唔夠喉甜品方面除左哈根大師雪糕仲有自家製奶凍可惜胃仔唔夠位了