漁正居酒屋

營業中

休息中

想同朋友飲下嘢食少少野傾下計，除咗去cafe之外，居酒屋🏮都係一個唔錯嘅選擇～一行入漁正居酒屋即刻有置身於日式居酒屋嘅感覺，除咗牆上有日式poster做裝飾，其中有啲卡位仲係需要除鞋先可以入去🪑前菜係大根千絲，真係非常特別，以為會係酸嘅，點知原來係鹹食。當中混入蒟蒻絲，口感好豐富。縞鰺係鰺魚中最高級肥美嘅一種‼️而縞鰺日本池魚薄切刺身肉質爽口並帶有油脂嘅甘香，味道鮮甜。沾上柚子汁後感覺清新而不油膩。而家做緊新開業優惠，半價就食到啦😍日之雪花石蠔🦪都係做緊優惠 ($18/隻)，蠔味都幾香濃，認真抵食🤩墨作螢光魷魚🦑都幾大隻，有非常濃郁嘅海產鮮味，肉質爽口彈牙。日式炸雞🍗粉漿唔會過厚，外皮炸得鬆脆。點埋蛋黃醬食就更加好味😋其實我係唔食苦瓜嘅，不過朋友話沖繩苦瓜好好味，所以就試吓‼️點知係真架喎😆沖繩苦瓜炒豚肉除咗苦瓜同豚肉之外仲同埋滑蛋一齊炒，薄薄切五花腩爽口而苦瓜好甘香。稻庭烏冬爽口彈牙，再吸收埋鰹魚湯底嘅味道，正～喺居酒屋又點可以唔叫串燒🍢雞皮燒到脆卜卜、雞腎好爽脆、雞肝味道濃郁、牛舌肉質軟腍。食咗咁多嘢，飲返杯清新香甜嘅梨汁🍐真係清新又解渴。