一家

營業中

休息中

有朋自上海來，話想試下香港既上海菜😂上網見到係筲箕灣呢間餐廳主打特色滬菜，而且仲係米芝蓮推介，所以就帶朋友嚟呢度試吓。餐廳裝修風格偏懷舊溫馨，菜式同飲品選擇都好多。📎滋潤養生茶：秋冬限定既飲品，用蘋果、雪梨、杞子、北芪煲出黎，生津又潤喉，而且係熱飲，岩哂唔飲凍野既女士。📎甜美姨姨：飲落第一啖好濃薑味，慢慢又飲到檸檬味，口味好清新，同埋飲完成杯發現好滋潤到喉嚨。📎鎮江餚肉：食落口感層次分明，有微微咸香，啫喱凍Q彈，點埋香醋一齊食好解膩。📎紅油抄手（5粒）：皮薄餡足，大大舊肉，淋埋紅油一齊食，好惹味，但又一d都唔會覺得辣。📎炒雞菘配叉子燒餅：叉子燒餅有好香嘅芝麻味，餅皮酥脆，餡料由好嫩嘅雞肉、馬蹄、洋蔥、松子等等埋一齊，味道有d酸酸甜甜，食落好開胃，配埋叉子燒餅一齊食好夾。📎發發糕：紅棗味既中式糕點，十分軟熟而且唔會太甜。📎油墩子：朋友話呢一道係上海特色街頭小食黎，估唔到可以係香港餐廳食到。外皮炸到黃金色，食落好脆口，入面包住蘿蔔絲同肉絲，蘿蔔絲清甜爽口，成個食落香口酥脆而唔油膩。