Nara Thai Cuisine (港威商場)

同朋友行海港城肚餓搵野食就見到呢間餐廳，環境舒適，仲有海景位，個裝修仲好有格調。

燒豬頸肉配青木瓜沙律
豬頸肉肥瘦適中，好嫩滑而且燒得好惹味咬落去仲有肉汁，配埋青木瓜沙律一齊食味道清新，好開胃

香脆蝦餅
蝦餅炸得金黃色外層好香脆，蝦肉食落熱辣辣爽口彈牙。搭配泰式甜酸醬，非常開胃好食

菠蘿肉鬆海鮮炒飯
賣相好吸引，兩隻蝦爽口，炒飯配上豐富配料肉鬆、雞肉粒、提子乾＆菠蘿，飯粒分明可口，成個炒飯口感豐富！

芒果糯米飯
芒果新鮮多汁，入口爽滑清甜，香氣四溢。搭配浸透椰汁既糯米飯，口感軟糯甜美，嚼勁十足