阿叔泰麵 (積信街) (已結業)

突然好想食船麵，係大圍搵咗間都多人推介嘅船麵。我地星期日接近2點到，出面都唔少人排緊隊，等咗差唔多半個鐘就可以入去啦😆🍜阿叔船面(豬:$70）我就叫咗一個豬肉船面🐷，揀咗金邊粉做麵底，入面有豬肉片、豬肉丸同炸豬皮。枱面上有張食法tips，將魚露、糖、辣椒粉同白醋每樣都加啲，酸酸辣辣咁，味道都唔錯。朋友就叫咗牛肉🐮，食咗佢一塊牛同牛丸，相比之下，我個人就鐘意食牛嘅多啲～🍵泰式綠奶茶($30)奶綠好夠凍而且唔甜！可能食過泰國當地嘅船麵，比較之下就覺得遜色咗小小🥲不過如果想過下口癮嘅話，都係一個唔錯嘅選擇😝