影片
更多
2023-08-16
803 瀏覽
原來土瓜灣啟岸巷子都幾多小店，但平日個場都幾靜🥲 尋晚試咗一間馬拉菜小店，食物幾有水準，價錢都合理呀！同老闆傾咗一陣，佢話開咗店半年，初頭生意都ok，但最近好靜，好少人知呢度有個商場。希望小店都捱得住啦💪🏻🥢芽菜雞拼迷你蝦麵/椰香叻沙午餐或者晚餐都有呢個餐食，老闆話佢哋小店好彈性，有咩想食都可以落單～ 芽菜雞肉質比較軟腍唔實，本身比較淡味，點少少醬一齊食啱晒！兩碗麵都係迷你size，一次試晒兩款招牌麵！蝦麵湯底超濃郁，食得出好濃蝦味；叻沙湯底都好惹味，好香椰汁味，微辣好開胃！配料有溏心蛋、豆卜、魚蛋、芽菜等，麵係摻摻，有油麵同米粉，同湯一齊吸入好好味！🥢沙嗲肉碎煎蛋飯沙嗲肉碎睇得出好用心煮，醬汁香濃而不膩不鹹，肉碎好惹味，配飯食好夾，加埋煎太陽蛋，仲有大量菇菜，好味又營養均衡啲👍🏻🥢斑蘭麥脆咖央多士多士烘到超脆身，咖央醬加牛油，外脆內軟，超正！☕️南洋樽仔咖啡好好飲，有驚喜呀！咖啡香又滑，唔會太甜，個配方好啱我口味😋🧋話梅柚子梳打幾清新解渴！酸酸甜甜！夏天飲啱晒！睇得出呢間小店幾用心經營，小店裝修幾別緻，有花花圖案牆身打卡，又有好多特別擺設！想試吓正宗馬拉風味，推薦去幫襯👍🏻
原來土瓜灣啟岸巷子都幾多小店，但平日個場都幾靜🥲 尋晚試咗一間馬拉菜小店，食物幾有水準，價錢都合理呀！同老闆傾咗一陣，佢話開咗店半年，初頭生意都ok，但最近好靜，好少人知呢度有個商場。希望小店都捱得住啦💪🏻
🥢芽菜雞拼迷你蝦麵/椰香叻沙午餐或者晚餐都有呢個餐食，老闆話佢哋小店好彈性，有咩想食都可以落單～ 芽菜雞肉質比較軟腍唔實，本身比較淡味，點少少醬一齊食啱晒！
兩碗麵都係迷你size，一次試晒兩款招牌麵！蝦麵湯底超濃郁，食得出好濃蝦味；叻沙湯底都好惹味，好香椰汁味，微辣好開胃！配料有溏心蛋、豆卜、魚蛋、芽菜等，麵係摻摻，有油麵同米粉，同湯一齊吸入好好味！
🥢沙嗲肉碎煎蛋飯沙嗲肉碎睇得出好用心煮，醬汁香濃而不膩不鹹，肉碎好惹味，配飯食好夾，加埋煎太陽蛋，仲有大量菇菜，好味又營養均衡啲👍🏻
🥢斑蘭麥脆咖央多士多士烘到超脆身，咖央醬加牛油，外脆內軟，超正！
☕️南洋樽仔咖啡好好飲，有驚喜呀！咖啡香又滑，唔會太甜，個配方好啱我口味😋
🧋話梅柚子梳打幾清新解渴！酸酸甜甜！夏天飲啱晒！
睇得出呢間小店幾用心經營，小店裝修幾別緻，有花花圖案牆身打卡，又有好多特別擺設！想試吓正宗馬拉風味，推薦去幫襯👍🏻
張貼
