瀧

營業中

休息中

前幾晚隨機選擇 ，來了這間日本菜 。呢間日本菜主打天婦羅， 上到去打開餐牌， 只有三款選擇 ，都係omakase 。於是點咗個叫瀧嘅套餐 連埋甜品總共有十一樣嘢， 。當中有前菜 ，湯 ，刺身 ，煮物 ，天婦羅。 成個餐都係用懷石風格 ，擺盤好靚同埋好精緻。 刺身有水準嘅 ，雖然佢哋唔係主打刺身 ，但係啲料絕對唔馬虎， 係高檔壽司舖用嘅食材。 其他全部嘢都好食 ，但係有幾個細節位係非常之出色， 先講天婦羅， 佢哋係唔提供豉油，因為本身夠味。天婦羅嘅質素可以同當年嘅稻菊媲美。 但係最重要嘅係個蘿蔔蓉， 佢係用兩種蘿蔔磨蓉再加檸檬汁做成， 非常之鮮甜， 日本天婦羅店都未必有咁嘅水準。 跟住其中一道菜係生炸番薯 ，佢係連皮生炸一小時， 配白蘭地同埋砂糖食， 味道複雜非常有層次。 另外甜品有一個自家製嘅杏仁豆腐， 上面有層杏仁造成嘅忌廉 。杏仁嘅味道非常特出同香滑。 我係一個唔鍾意食甜嘢嘅人都覺得好好食。 其他食物都係水準之作，仲有店員服務態度都好好好殷勤 。呢間餐廳絕對應該 一試。