UG Elements 有機農場.餐廳.市場

營業中

休息中

中午行過見有位便入去睇睇， 老闆很好客不停介紹佢地既雞同魚都係自家養殖， 見價錢唔貴便試下。 座位很乾淨舒適， 點了的豬手飯配檸水($44) 很快便送來，據說米飯及檸檬還有豬手中的冬菇都是有機的。 米飯粒粒分明，軟硬適中，豬手煮得超軟嫩， 一咬便離骨， 無牙都食得。醬汁有少少酒味， 香氣十足。 整體好有家常菜既感覺， 不會太咸亦沒有油膩感。有機檸檬水飲落唔覺好特別， 但老闆拿出有機檸檬俾我地睇， 檸檬好大個與平常檸檬有好大分別， 飲完仲可以請職員加熱水， 相當抵飲。餐廳還有酸菜條供應客人自取， 酸酸辣辣的很開胃， 菜條非常脆嫩， 當然也是用有機菜做的。臨走見有下午茶餐， 揾日要黎試試。