宴 尖沙咀

哩間位於尖沙咀既居酒屋，d裝修真係十足日本既居酒屋style💖 有火鍋、日式料理、串燒等等，坐得好舒服😆 本身想叫個$388 日式火鍋任食套餐，入面包刺身雪糕，宮崎和牛任食，好吸引🥺🥺 不過屋企人唔係好肚餓所以最後無叫到🤥 .叫左個宮崎牛豆腐壽喜火鍋，份量細返d，有四塊宮崎牛，配上醬油湯底好好味。火鍋入面有日本野菜、豆腐同場粉絲，好入味。.韓國泡菜豬肉炒飯都唔錯，唔係好辣，d飯粒粒分明，係日式炒飯既口感，唔會太油膩。但係泡菜同豬肉可以再多返d會更好，唔算非常入味。.而牛肉薯餅就好香好脆，即叫即炸，d餡料豐富，食到牛肉味，好香口好味，送酒一流！我叫左杯梅酒味既啤酒，其實唔算話好甜，但係梅酒加啤酒我個人就覺得唔係好夾，所以下次會寧願叫返普通啤酒算😂.整體黎講哩間居酒屋位置方便，環境舒適，係傾計好地方，提提大家，最低消費要一份前菜$20加一杯飲品連加一。