肉浦團火鍋放題

營業中

休息中

餐廳環境好闊落，裝修佈置有懷舊香港風味，每枱之間都空間十足，唔會覺得迫，兩個人坐卡位好舒適。揀咗無限時b餐，個胡椒豬肚湯底就好吸引，啲料好足。豬肚香潤唔會好膩，加埋胡椒嘅辛辣刺激，清爽開胃，令到食材提鮮，同時又增加食慾，值得一試。除咗湯底，放題嘅餐點種類都好豐富，牛肉豬肉雞肉都好新鮮，推介嘅和牛肩胛、安格斯牛背峰、薄切封門柳好正。嗌左期間限定嘅台灣阿給，油豆腐外皮，食落酥鬆唔油膩，內餡嘅豬肉鮮美，魚漿柔嫩唔腥，有埋粉絲木耳增加絲絲細緻口感。自助區有生菜、菠菜、皇帝菜……有新鮮嘅菇類，口感Q彈、仲有各種丸類。最驚喜係佢哋嘅炸物區，有酥脆可口嘅炸薯條和炸燒賣，炸燒賣呢種特色小食一定要試，配埋蕃茄醬非常好食，隔離瑞士雞翼都唔好錯過。自助飲品區，有小酒可以暢飲，連各式飲品都應有盡，桂花烏龍、milkis呢啲打邊爐必飲。