喜記避風塘炒辣蟹 (肇明大廈)

營業中

休息中

有朋自遠方來，點名話要食香港嘅避風塘炒蟹😚咁我就帶咗佢哋去香港最出名嘅炒辣蟹專門店啦🤓喜記係銅鑼灣有兩間分店，今次我哋去咗肇明大廈🌟招牌避風塘炒辣蟹一上枱已經超香噴噴，蒜香味道好濃郁！辣椒嘅味道同蒜蓉嘅味道已經入晒去隻蟹入邊🦀蟹肉好大嚿，咬落勁爽皮😎豉油皇中蝦除咗蟹之外，一定要叫埋大大隻嘅蝦🥰今次揀咗食豉油王口味嘅，豉油味道鹹鹹甜甜甜，再加上薑蔥爆到勁香口！啲汁好食到連隻手指都要舔埋呀😛花膠雲吞雞煲奶白色嘅花膠雞湯啱晒我哋女士滋補啊😌花膠燉到好軟腍，雞肉夠晒嫩滑🐣雲吞個皮好滑嘟嘟，裏面嘅餡料都好飽滿😉美味雞煲朋友話都想試埋港式嘅雞煲❣️味道麻麻辣辣，超級惹味！真係好啱一大班人一齊食啊😇楊州炒飯最後叫多咗個楊州炒飯，炒炒飯炒到粒粒分明，而且好有鑊氣🔥下個星期就中秋節啦，估唔到喜記都有出月餅喎！我都買咗一盒，下星期同屋企人一齊過中秋🥮