Chill and Grill (裝修中)

今日我自己單拖帶Mina去探朋友仔同食飯，今日嚟到西環呢邊去朋友仔屋企玩完，朋友就帶我嚟到呢間，好Chill又靚景西式餐廳Chill and Grill！Chill and Grill的裝修充滿歐陸風情，係Mirror成員的電視劇《大叔的愛》嘅取景場地，地方同座位好寬敞，喺餐廳嘅中間仲有月球燈同千秋，成間餐廳超多打卡同影相嘅靚位，啱晒我幫Mina姐影靚相🥰✨今次選咗以下食品✨🌟Beef TarTare生牛肉他他，生牛肉粒醃製得好入味，食落唔會覺得腥，個醬汁酸酸甜甜好開胃，加上芝麻、牛油果蓉及胡椒粒，配埋個脆脆多士一齊食，滋味滿分😋🌟Beancurd Cheese Penne Carbonara巴馬火腿有好多片，意粉爽口又彈牙，個醬汁混合咗煙肉蘑菇同洋蔥，煮得好creamy ，每一口都充滿芝士味，但又唔會覺得好膩！🌟Mango Napoleon芒果拿破崙餅底好鬆脆，中間啲吉士好香奶味，配埋芒果藍莓同士多啤梨等水果，口感層次豐富，太好味，Mina姐又想成個霸晒嚟食😹