牛丼新造

營業中

休息中

銅鑼灣希慎food court原來變得好好坐，仲有好多野食。早幾日放工同老公去食個快飯先返屋企。好開心見到之前喺日本食過類似嘅慢煮牛肉飯，而家香港都食到實在太懷念，見到粉紅色嘅牛肉真係心心眼。我點咗慢煮牛肉，除咗飯估唔到仲有意粉可以配搭，我貪得意試吓蕃茄芝士意粉，牛肉因為慢煮嘅關係好腍好有牛味，估唔到意粉俾我預期之中出色，獨特嘅醬汁配埋拉絲芝絲味道濃郁。而老公除食牛肉飯之外，仲配搭咗辣味肉碎，肉碎份量好多而且辣辣地好開胃好惹味，食完一個飯佢竟然話唔夠要再加多一個飯，撈埋啲肉碎食，證明真係超出色，而我哋都覺得牛肉飯最精彩一定要配一隻日本蘭王雞蛋，牛肉配埋雞蛋每一啖飯都會食到蛋香，好滑真心好味，味道同喺日本食真係差唔多，但價錢好似更加平，下次要再試埋其他味道先。