黑門水產すいさん (棉登徑)

周末同男人二人晚餐，去咗間居酒屋，周圍個氣氛都幾有日本居酒屋feel。平目魚薄切魚生：食感偏爽脆，夾埋酸汁食幾開胃。本釣池魚：池魚肉質細滑，油脂感比較重，同埋唔會腥。食到魚生，仲有另一種用紫菜包魚肉既食法，得意又特別。味噌甲羅燒：甲羅燒故名思義係燒蟹膏，撈埋味噌、蛋，鮮味更加出，同埋粒粒卜卜口感既蟹籽增加咗食感，碗埋紫菜梳打餅食，口感豐富。極上大漁貝燒：個貝燒一次過滿足海鮮控既心，一貝食到蝦、蠔、帶子，仲有少少三文魚子同海膽，增加咗鮮美既味道。章子小丸子：小丸子比較脆身，面頭都鋪滿咗木魚花碎，如果可以多少少內餡就更好。蒲燒鰻魚飯：飯做到粒粒分明，鰻魚都燒得焦香軟林，個汁咸度適中，男人大讚係mvp!另外值得一提既係個海底之心好有夏天既感覺～入口清爽帶菠蘿甜味，相當唔錯！