影片
更多
2025-05-25
337 瀏覽
朋友喺附近返工，推介左呢間餐廳，係佢平時同朋友飲酒嘅地方好大都有堂食嘅。今日揸車，所以就淨係叫咗嘢食。慢煮雞胸南瓜牛油果沙律($98): 呢一個反而幾有驚喜，上菜嘅時候賣相靚當然啦，而且每樣食材都好新鮮，而且真係好俾心機咁樣做。沙律菜新鮮唔再講，雞胸亦都做得好好，完全真係慢煮出嚟嘅，食得出係好嫩。而且牛油果亦都每一片係翠綠色，唔會話擺左好耐。松露蘑菇湯($68):蘑菇湯就食得出用上咗好多料嘅，但係驚喜度就冇乜，湯上面加咗少少松露油，都係一般餐廳嘅做法。不過冇辦法係朋友時候必點嘅。脆炸原隻魷魚配香辣蛋黃醬($158): 賣相好靚，自己本身冇諗過佢會咁樣上，而且炸漿做得好夠味，配上魷魚，完全真係送酒一流。傳統意式辣椒蒜片欖油意大利麵($118): 呢個我自己都幾鍾意，炒得唔會太濕，而且辣嘅程度剛剛好，好惹味，當然亦都好啱送酒啦。朱古力心太軟($68):賣相好靚，但係味道正常，流心嘅程度做到嘅完全，配上雲呢拿雪糕可以解一解甜。總結：餐廳嘅情調，完全係覺得可以喺呢一度坐成三個鐘嘅感覺。而且每一碟賣相都好精緻，味道亦都唔算差，但係唯一一個缺點就係上菜嘅時間要等起碼30分鐘至40分鐘，不過如果係同
慢煮雞胸南瓜牛油果沙律($98): 呢一個反而幾有驚喜，上菜嘅時候賣相靚當然啦，而且每樣食材都好新鮮，而且真係好俾心機咁樣做。沙律菜新鮮唔再講，雞胸亦都做得好好，完全真係慢煮出嚟嘅，食得出係好嫩。而且牛油果亦都每一片係翠綠色，唔會話擺左好耐。
松露蘑菇湯($68):蘑菇湯就食得出用上咗好多料嘅，但係驚喜度就冇乜，湯上面加咗少少松露油，都係一般餐廳嘅做法。不過冇辦法係朋友時候必點嘅。
脆炸原隻魷魚配香辣蛋黃醬($158): 賣相好靚，自己本身冇諗過佢會咁樣上，而且炸漿做得好夠味，配上魷魚，完全真係送酒一流。
傳統意式辣椒蒜片欖油意大利麵($118): 呢個我自己都幾鍾意，炒得唔會太濕，而且辣嘅程度剛剛好，好惹味，當然亦都好啱送酒啦。
朱古力心太軟($68):賣相好靚，但係味道正常，流心嘅程度做到嘅完全，配上雲呢拿雪糕可以解一解甜。
總結：餐廳嘅情調，完全係覺得可以喺呢一度坐成三個鐘嘅感覺。而且每一碟賣相都好精緻，味道亦都唔算差，但係唯一一個缺點就係上菜嘅時間要等起碼30分鐘至40分鐘，不過如果係同朋友嚟，預咗飲酒食嘢嘅，相信就啱啦。
張貼
