La Parrilla Steakhouse

頭盤個包好軟熟😊，咬落個皮係有少少韌性，所以係好有口感，涵涵適中食落有淡淡嘅麥味，鍾意嘅話可以用佢啲醋或者橄欖油嚟調味😚。布拉達塔芝士呢個前菜有三個部份組成，就係塗咗橄欖油同埋烘過底嘅多士😊，之後就有啲切塊嘅蕃茄同埋羅勒葉汁🍅，當然仲有主角芝士。將佢哋夾埋放入口，就有明顯嘅羅勒葉嘅味，夾埋蕃茄一齊唔知點解有種好似番石榴咁嘅味道🥰，十分之清新😚，芝士就咁食都唔會好漏，係一個好開胃嘅前菜。牛骨髓牛骨髓嚟到嗰下真係震撼到我，因為真係有兩隻手咁大嘅牛骨😌，餐廳將佢燒到好香，配埋側邊嘅多士食，成個口都好似充斥住牛油嘅香味😉，兩個人食一份就啱啱好。辣茄醬長通心粉呢個辣茄醬長通心粉唔會好辣，蕃茄醬酸酸甜甜咁樣😙，再加埋少少忌廉，令到個醬有香濃又帶啲開胃嘅感覺☺️，尤其係佢用咗通粉每一條通粉入邊都包裹住蕃茄醬，唔經唔覺就死晒成碟通心粉🤪。奶油忌廉菠菜菠菜好貼心咁樣幫你切碎咗，用咗淡忌廉去煮，忌廉菠菜嘅忌廉味好突出，但係都唔會好漏，用佢配牛扒食真係一流😍！T骨牛排（500g)牛扒上碟嘅時候已經幫你切好晒😜，唔使你自己切得咁狼狽，呢個位十分抵讚👍🏻，食嘅時候又好明顯嘅炭烤風味，我哋嗌咗medium，咬落去啱