The Pearl

營業中

休息中

2024一開始就病咗兩個星期，好返之後一於去食返餐好嘅慰藉吓自己！嚟到呢間酒店餐廳，以黑色為主調，好有氣氛；菜式亦好精緻，非常吸引。 無花果帕馬火腿沙律有整塊嘅帕馬火腿，一啲都唔吝嗇。巴馬臣芝士同松子仁幾香口，用無花果配襯好清甜。 吞拿魚牛油果泡沫他他配自製羅勒油好驚艷！牛油果醬好棉密，但冇牛油果嗰種草青味同飽膩感。自製羅勒油令吞拿魚口感更滑，油脂味香。 和風醬油大蝦煙肉扁意粉扁意粉好彈牙，用和風醬嚟做意粉醬汁，酸酸甜甜好開胃，加埋煙肉增加口感層次。 香煎牛封門柳牛柳超嫩滑！唔洗太多調味反而突出到牛柳肉香；點較濃味嘅青醬就有另一番風味。 Passionate Night / Rosy RomancePassionate Night係葡萄汁入面加咗熱情果糖漿，口腔充滿熱帶水果嘅香味。另一款mocktail Rosy Romance就係玫瑰冷泡茶，鮮蘋果汁同蜜糖，相對之下就比較甜。