浪谷 (AIRSIDE)

營業中

休息中

中午同同事去Airside發掘新餐廳，本身以為只係一間普通既東南亞菜餐廳，估唔到餐廳入面居然有個室內衝浪場，如果帶小朋友去呢間餐廳既話，小朋友去玩衝浪，大人就可以專心食飯🤣Lunch set選擇都好多，粉麵飯都有，價錢以佢既環境黎講都算公道。碎雞肉生菜包：用雞肉碎而唔係用豬肉感覺健康d，落單個時職員都有再提醒一次係雞肉，好細心。呢道菜睇落去唔會太辣，放入口個下覺得微微辣，咬多幾啖就好鬼辣😂但辣得好過癮，調味岩岩好，冇話太咸。迷你木瓜沙律：酸辣爽脆開胃，比想像中大碟d，仲配一隻蝦。海鮮叻沙湯麵：麵底係油麵同米粉兩溝，湯底比較淡，椰奶味比較重，所以都唔會覺得辣。泰式雞青咖喱：青咖哩係偏甜口既，都係椰奶味偏重，除左有雞肉仲有青茄子。蝶豆花椰子特飲：+18可以轉既特飲，顏色好靚，蝶豆花飲落係冇味，杯野基本上係椰青水味道，入面仲可以食到一片片既椰肉，飲落清甜。椰汁三色冰：OpenRice 訂位贈送既飲品，濃濃椰奶味，唔算太甜，仲有一堆配料，包括紅豆、粟米、珍多等等。