影片
更多
2025-05-21
0 瀏覽
好耐無喺灣仔食飯，呢日同老公行完合和，search到呢度係由參加過米芝蓮嘅廚師主理，難得拍拖又想食好啲，即刻挑起我好想好想食泰菜嘅慾望🤩我哋叫咗個2人套餐，加$1要咗小食拼盤，又加$68要多個炒芥蘭，餐飲我揀咗椰青😍再叫咗我食泰國嘢必叫嘅生菜包，燒牛肉，見佢個龍蝦金邊粉都好吸精，最後叫多咗個朋友一齊食先清得晒🙈2人套餐：🇹🇭椰子雞湯｜係好香椰子味嘅冬陰功，微辣好開胃🇹🇭黃咖喱牛肉｜唔會太辣又有咖喱香，超好送飯，如果鍾意辣嘅朋友就可以揀青咖喱🇹🇭雞肉金邊粉｜又係食泰菜必叫，好多雞肉，金邊粉軟硬度適中炒得好香👍🏼🇹🇭椰汁冰冰馬蹄爽｜呢個又係私心要讚，三色冰包住馬蹄肉粒，外面煙韌裏面爽口，加埋滿滿椰香超正🇹🇭跟餐青檸梳打 +$25 椰青｜唔洗多講，清甜解膩🍤+$1 一份小食拼盤｜有齊啖啖肉蝦餅、香脆可口炸雞翼、惹味豬肉條、香脆福袋🌿+$68 炒芥蘭(飛天炒)｜辣辣地，食咗咁多肉，有個菜平衡返其他：🇹🇭泰式生菜包｜肉碎夠辣好惹味刺激，生菜好鮮甜爽脆，又一個私心要推介嘅菜式🇹🇭炸雲吞福袋｜因為食完拼盤嗰2隻唔夠，所以再另外叫🙈外形成個福袋咁好得意，而且炸到好鬆脆，餡料豐富，啖啖脆口蝦肉配埋泰式辣
我哋叫咗個2人套餐，加$1要咗小食拼盤，又加$68要多個炒芥蘭，餐飲我揀咗椰青😍再叫咗我食泰國嘢必叫嘅生菜包，燒牛肉，見佢個龍蝦金邊粉都好吸精，最後叫多咗個朋友一齊食先清得晒🙈
2人套餐：
🇹🇭椰子雞湯｜係好香椰子味嘅冬陰功，微辣好開胃
🇹🇭黃咖喱牛肉｜唔會太辣又有咖喱香，超好送飯，如果鍾意辣嘅朋友就可以揀青咖喱
🇹🇭雞肉金邊粉｜又係食泰菜必叫，好多雞肉，金邊粉軟硬度適中炒得好香👍🏼
🇹🇭椰汁冰冰馬蹄爽｜呢個又係私心要讚，三色冰包住馬蹄肉粒，外面煙韌裏面爽口，加埋滿滿椰香超正
🇹🇭跟餐青檸梳打 +$25 椰青｜唔洗多講，清甜解膩
🍤+$1 一份小食拼盤｜有齊啖啖肉蝦餅、香脆可口炸雞翼、惹味豬肉條、香脆福袋
🌿+$68 炒芥蘭(飛天炒)｜辣辣地，食咗咁多肉，有個菜平衡返
其他：
🇹🇭泰式生菜包｜肉碎夠辣好惹味刺激，生菜好鮮甜爽脆，又一個私心要推介嘅菜式
🇹🇭炸雲吞福袋｜因為食完拼盤嗰2隻唔夠，所以再另外叫🙈外形成個福袋咁好得意，而且炸到好鬆脆，餡料豐富，啖啖脆口蝦肉配埋泰式辣醬好好食
🇹🇭泰式龍蝦金邊粉｜原隻龍蝦加金邊粉，仲有3隻大大隻虎蝦，加埋龍蝦肉，唔止味道得，賣相都贏埋📸
🇹🇭泰式燒牛肉｜牛肉燒到啱啱好，外香內嫩，肉質juicy，醬汁咸香，一定要點埋嚟食
🇹🇭椰子凍｜我認我貪心，但食到咁飽我仲可以食晒2個甜品🙈呢個我都好鍾意，濃郁嘅椰香果凍，口感細膩嫩滑，冰凍消暑😍
原來呢度食滿$400就已經可以喺胡忠大廈或者合和中心免費泊車3小時，結果當日我哋除咗食到好味嘅泰菜，仲賺咗個free parking，開心仔🤩🤩佢哋仲有個$998四人餐 ，+$1換泰式明爐酸辣魚都好吸引，下次叫多2個朋友再一齊嚟食先😍
佢哋而家仲有個優惠好好玩：只要消費滿$400（連加一）即可有一次擲骰機會，$800（連加一）兩次，如此類推，擲中指定數字同數量，有機會可以全單免費㗎🤩
張貼
