OOULI

營業中

休息中

好耐冇寫食評，不過今次真係要寫一寫，唔係因為覺得好差，而係因為覺得有啲嘢真係需要改善，都希望呢間餐廳日後可以做得更好更多生意！首先個menu，就只係得一個menu，九道菜tasting menu，當中只有main course有得選擇，其他全部冇得選擇！我覺得呢度有幾個問題，首先如果真係咁，應該要事先同客人講明，唔係去到先發現！因為在我角度，唔係人人都食到九道菜，加上入邊啲嘢食，又未必人人啱食！例如嗰日我同行有小朋友，未必食到咁多嘢，同時小朋友又未必食刺身，如果我事先知道menu只得一個我可以重新衡量究竟去唔去？唔係去到硬食！我覺得呢度有改善空間！一係多一兩個menu俾客人選擇！又或者單一menu，但入面多啲選擇，例如三款前菜選擇一款果隻！anyway, 講返嘢食，整體上面係唔錯的，但九道菜當中有啲係失望的，例如個清湯鮑魚，鮑魚有啲韌，全部人都冇食晒，主菜個澳洲和牛有啲韌（味道好唔錯，但韌），另外個主食黑毛豬都係一樣有d靱！不過個白飯真係好有驚喜，真係估唔到一啲咁簡單嘅嘢，可以有咁大分別，當時個個都食到好飽，已經食唔落，但因為個白飯實在太出色，大家都照食晒佢！呢個令我真係大開眼界！值得