喰楽

營業中

休息中

不得不讚, 疫情前後既水準都無跌到今日同朋友再次黎到哩間有專人服侍既壽喜燒餐廳享用晚餐, 我地2人叫左C. 和牛盛宴當中包括6-7個和牛部位, 認真抵食, 絕對係選擇困難者既福音!首先, 前菜已做得非常出色,  其中一樣係冰菜沙律, 口感好特別, 好FRESH! 番茄酸甜開胃。其次係和牛可樂餅同埋關東煮蘿蔔配牛肋條, 炆得非常入味, 大愛! 之後WAITER 就遞上今晚既主菜, 和牛拼盤, 油花分布好平均, 當中有肩里脊肉、肩胛心肉、牛肩胛肉等等, 每人亦會有一隻蘭王既生蛋, 當和牛燒好後, 就可以點蛋汁食, 簡直係極上既體驗呀!整個過程有專人SERVE你, 亦會一邊燒一邊講解其部位、口感同食法。 WAITER 亦會適當係唔同時候將煮好既蔬菜送到大家既碗里面, 安排相當周到! 亦因為最後會有一個濕炒飯, 所以餐里頭既白飯會相應減少, 但如果大家覺得唔夠係可以同WAITER 講加飯的最後濕炒飯鋪上脆脆既紫菜、蔥、芝麻, 聞落好香, 口感十足! 非常滿足! 最後以豆腐雪糕作結, 雪糕面頭用火槍輕輕炙過, 好有心思!整體黎講今次再一次體驗到高水準、性價比極高既壽喜燒非常推薦比大家!