家家戶戶

營業中

休息中

小店設計好有心思，感覺同店名「家家戶戶」好似，有家的感覺。地方雖唔多，但整齊企理。選擇都唔少，每款菜式加錢就可變成多款配搭的套餐組合，好豐富！另有單點小食和飲品添！男朋友要牛肉韓式什錦飯套餐（$102），包四款前菜、一碗湯，最驚喜是有支迷你版益力多，果然係韓國傳統套餐，包甜品添！前菜有煙韌嘅魚片、香辣泡菜、甜甜地嘅花生和清爽嘅韭菜花，四款都好味。牛肉韓式什錦飯大大碗，有牛肉、大豆芽、菠菜、甘荀、紫菜、翠玉瓜等，好豐富。將韓式辣醬拌勻食，香辣滋味，好食！我要補一補，揀咗蔘雞湯（$168），同樣包四款相同嘅配菜。嘩！全隻雞上枱，啖啖肉，肚內還有紅棗、蔘、蒜、糯米等等，份量好足。湯熱辣辣，蔘味唔算好重，順喉滋補。最後飲埋支酸酸甜甜嘅益力多($0)，消滯解膩。