家家戶戶

放假去尖沙咀韓國街睇下有咩飲，見到家家戶戶有啲人排隊，就跟隊😂😂😂試下韓式套餐🍜辣牛肉海鮮湯麵 set湯底鮮香濃郁，辣中帶甜，牛肉軟嫩搭配彈牙麵條與新鮮海鮮，層次豐富。🍚韓式辣豬肉石頭飯 set上桌時滋滋聲，熱辣辣！ 豬肉香辣惹味，與焦香飯焦交融，每一口都充滿傳統風味。原來所有既set都係包含經典韓國甜品——益力多，酸甜清爽，差啲再額外叫左野飲😂整體味道好正宗，份量都十足，性價比非常ok阿！…查看更多

經開尖沙咀韓國食街， 見到這間裝修好有傳統地道嘅餐廳，而且坐位都挺多的。「家家戶戶」主打韓國家庭式料理， 除咗傳統小吃外仲有好多套餐選擇，價錢仲好親民。✨泡菜豆腐海鮮湯熱辣辣嘅泡菜湯配以嫩滑嘅豆腐仲加埋隻雞旦海鮮亦足料，辣度適中✨韓式牛肉炒烏冬牛肉以韓式醬料醃制甜甜地，仲有好多高麗菜一齊炒，健康非常。✨韓式炒年糕年糕粗身煙韌，湯汁惹味偏甜辣，仲加埋韓國魚旦同雜菜非常豐富📍 家家戶戶 (尖沙咀)尖沙咀金巴利街1B恆港中心地下1號舖…查看更多

家家戶戶喺尖沙咀韓國街向來都好出名,今晚終於有機會同朋友黎食下！叫得做家家戶戶，的確環境同食物味道都有種當地家庭式嘅溫暖感覺，喺呢種環境感受傳統正宗野食係最正ga!!套餐有好多款，天氣凍左最岩食鍋品，叫左個泡菜豬肉鍋同海鮮炸醬撈麵。每款套餐都會有幾碟韓式前菜，仲有益力多。泡菜豬肉鍋熱辣辣好正，有大量泡菜同軟腍嘅豬肉，味道唔會太辣而且又純正並非味精味，食完頓時成個人暖晒！海鮮炸醬撈麵份量係極大！醬料好多，味道甜甜地覺得幾好食，聞落都幾香。配料亦食到好多魷魚之類嘅海鮮，十分足料！呢個set仲有埋兩隻大煎餃，餡料都好足👍…查看更多

GAGAHOHO Korean Cuisine🇰🇷🥢平時想食韓國嘢第一時間就會諗到TST韓國街，經開金巴利街呢頭見到呢間一直bookmark咗，但未有時間去試。今次機會嚟啦，要試一試佢哋既招牌人蔘雞湯🥰餐廳裝修充滿韓國家庭料理小店風格，營造出溫馨而舒適嘅氛圍💕 小店提供多款套餐組合/A-La Carte選擇,價錢合理。Bookmark咗好耐既招牌「人蔘雞湯」，真心推介！湯底好鮮甜，人蔘味唔會過重。加上配料紅棗同埋大蒜，令到個湯底昇華。🤩 原隻雞上‼️而且肉質超嫩滑，一啲都唔鞋口，仲要啖啖肉❣️連埋中間釀咗既糯米一齊，口感豐富😋 啱晒依家涼涼地既天氣，飲返碗人蔘雞湯，夠晒滋補。「韓式牛肉炒粉絲」(Bulgogi Japchae) 呢碟粉絲不得了，份量十足！粉絲口感Q彈 索晒啲牛肉汁，好入味，牛肉亦都好鮮嫩。每啖都有蔬菜同肉香，口感非常豐富😜環境方面，餐廳坐位都幾舒服，有卡位/大枱，適合朋友或情侶聚餐。服務都幾到位，落單、上菜都算快。如果大家經開尖沙咀呢頭不妨可以過嚟一試😗…查看更多

尖沙咀韓國街 成條街都係係韓國餐廳 呢間性價比較高🤗 係傳統韓國家庭式料理 佢哋嘅SET都好豐富&充滿誠意 而且都幾多選擇 夜晚仲好full下 有時仲要排隊𠻹🫢 🥢香辣豬肉SET $118 甜甜辣辣 開胃又惹味 份量都幾多 非常好下飯 配搭小食黃瓜 泡菜 豆乾 味道層次豐富 SET仲有熱湯 韓牌益力多 係韓國轉統套餐必有甜點 非常滿足💛 🥢牛肉鍋SET $119 天氣開始涼 食鍋物係非常啱時節 而且特別暖胃 牛肉湯底濃郁 牛肉肉味都非常突出 洋蔥配菜等等配料加入 令味道帶有一絲甜味 又係好適合下飯 一啖接一啖咁食 溫暖又滿足🧡…查看更多