麻辣風雲 (京都廣場) (已結業)

名副其實，有型又有款嘅麻辣風雲，今日終於去咗試！店舖外觀就平平無奇，但係餸一黎到就發覺呢間舖頭都係一有個不甘於平凡嘅心🫶🏻🥢荔枝蝦球舖頭新出嘅招牌菜，賣相好靚，棵樹掛住好多粒外型似荔枝嘅炸蝦球，樹底仲會出煙，感覺好似去咗仙境咁！食落香脆，版味都好濃郁！🥢炸饅頭（跟埋個諸葛亮）老實講，就係普通炸饅頭加煉奶，都好難唔好食，加埋個賣相，係威係勢咁！🥢口水雞正當我以為呢度嘅嘢食剩係得賣相，點知佢個口水雞又好惹味又好滑，色香味俱全！🥢鹹蛋黃豆腐鹹蛋黃味好濃，兩個人食其實有啲多，建議多人先好叫！🥢鹹肉炒椰菜花椰菜花吸晒肉汁，味道一流，送飯冇得彈！🥢古法豬油撈飯呢啲咁邪惡嘅嘢梗係叫男朋友叫，然後再自己「不」兩啖就算，永遠都係最肥嘅最好食hahah🥢紅糖糍粑溫馨提示，呢個紅糖糍粑一定要趁熱食，因為佢糯米非常之煙韌，而且周邊嘅紅糖亦都唔會太甜，建議大家可以喺臨近食完主菜嘅時候先叫，咁就唔會怕攤凍啦！叫咗一壺用古代酒樽裝嘅菊花蜜，正常味道，不過男朋友當咗自己係古代人咁cosplay起上黎😂整體而言，餐廳嘢食兩個人食，一路食一路再叫，而且味道水準都好好，大家記得去試包有驚喜！麻辣風雲 (京都廣場) (銅鑼灣