火之神

營業中

休息中

行過女人街望入呢間餐廳，見到有三隻貓貓，而且睇門口Menu啲價錢又幾平，就被吸引咗入去食。原條蒲燒鰻魚蛋包飯 $108賣相已經好靚，令令的鰻魚，切了小小塊，一啲小刺骨都冇，再加上好有光澤嘅炒嫩蛋，包住粒粒分明的飯粒，呢個配搭冇得輸。燒牛扒丼 $98我哋叫左五成熟，牛扒都有好多件，口感剛好，牛味都幾濃，將個生蛋黃整爛，令到啲蛋汁再包住啲飯黎食，想講佢啲飯住得剛剛好，口感帶點煙靭，正呀。😋😋炸雞中翼 $38有四大隻，炸到外皮香脆，入面仲保留到juicy。跟餐加$5要左個凍酸梅湯，同加$8 要凍檸樂，凍酸梅湯入口酸酸甜甜的，夏天飲真係好開胃。呢間小店可以同可愛的三隻貓貓接觸外，店員態度都好友善，性價比非常高，大推👍👍👍。