影片
以上資料只供參考, 請與餐廳確認詳情
今日同朋友去旺角通菜街火之神食午餐，有同事介紹這間餐廳內有好多好可愛嘅貓貓，可以同朋友一齊食同貓貓一齊玩，可愛嘅貓貓非常乖巧，令人食得開心。餐牌有不少食物款式，我選咗日式咖喱嘅咖喱富士山燒牛扒飯（5成）及飲品嘅士多啤梨特飲，我朋友就叫咗廚師推介嘅黑松露忌廉集菌意粉、小食嘅炸餃子及飲品嘅百香果特飲。這間餐廳地方寬敞整潔，裝修得舒適溫馨，枱凳擺放整齊，令人坐得舒服，仲冇加一，店員服務態度又好，來這裏食真不錯。🍛咖喱富士山燒牛扒飯（五成熟）富士山造型的米飯堆疊，頂部覆蓋炙燒過的半熟牛扒，切面呈粉紅色，淋上濃郁的日式咖喱醬汁，配上蛋黃及沙律菜點綴，上桌時，份量不少，賣相不錯，香味濃郁，五成熟的牛扒外層微焦脆，內裡柔嫩多汁，肉質帶有適度的嚼勁卻不柴，牛肉的鮮甜與炙燒的煙燻香氣突出，與咖喱的濃郁形成對比，日式咖喱醬汁的稠度適中，連同蛋黃包裹米飯的同時不會掩蓋牛肉風味，些許沙律菜增添口感層次，蓬鬆的米飯吸附咖喱後仍保持顆粒感，與半熟牛扒的肉汁交融，每一口都能嘗到肉香與咖喱的複雜滋味。🍓士多啤梨特飲清甜果香味，以新鮮草莓的天然甜味為主，帶有微微的酸甜感，成熟草莓風味濃郁，加入冰沙及乳酪，增添柔滑層次。🍝黑松露忌廉雜菌意粉黑松露帶有獨特味道，香氣濃郁，提供蒜香與堅果風味，而忌廉醬汁奶香醇厚，質地綿密，能平衡黑松露的強烈風味，並搭配鮮味濃郁雜菌嘅蘑菇、香菇、杏鲍菇的鮮味，尤其是蘑菇軟嫩中帶微彈，與柔滑可口嘅意粉形成有口感層次，真係好味好食。🥟炸餃子餃子味道非常誘人，外皮金黄酥脆，內餡多汁鮮美，混合油脂的香氣，咬下去會有“咔嚓”声，餃子內蔬菜香甜，亦發出蔬菜的天然鲜味，配合埋沙律醬來食，非常適合，炸餃子絕對值得一試。🍋百香果特飲酸甜明亮，百香果的天然酸度較高，搭配蜂蜜調和後，形成熱帶水果風味，百香果的籽增添脆脆口感，尾韻帶花香，適合夏日飲用。
繼續閱讀
說近排發現咗呢間超正嘅日式咖喱專門店，最特別係裏面養咗成打布偶貓！啲貓咪又靚又乖，完全唔怕生，仲會主動過嚟同你玩今次同朋友share咗幾個招牌菜式，首先嚟個炸餃子做前菜。內餡夠香夠惹味，調配埋個沙律醬，開胃到爆！主打嘅咖喱富士山燒牛扒飯真係好睇好食！成碟嘢食擺得好有心思，啲咖喱醬扮到好似富士山咁，牛扒就擺响山頂，再淋上蛋黃，又靚又吸引。叫咗七成熟嘅牛扒，肉質夠嫩滑，油花分佈均勻，完全冇筋！最緊要係啲咖喱醬，香料味香濃但唔會太嗆另一款必試嘅咖喱吉列豬扒蛋包飯。將成隻蛋包飯用咖喱醬包圍，再配埋新鮮炸製嘅吉列豬扒。豬扒外層酥脆，裏面嘅肉質又嫩又多汁，完全冇乾身嘅問題。蛋包飯嘅蛋漿煮得軟滑，飯都夠軟糯，拌埋啲咖喱醬，香濃開胃。飲品方面，佢哋嘅特飲都好有特色。一個係香橙一個係提子最正係食完飯仲可以同可愛嘅布偶貓玩！啲貓咪好健康，毛色靚，性格溫馴。最得意係有隻叫「大福」嘅布偶貓，成日周圍行同客人玩，成隻貓好似店長咁，超搞笑！講真，呢到嘅價錢比起出邊嘅寵物cafe價錢平得好多，食物質素高，仲有得同貓玩，真係相當抵！不過要提提大家，因為貓咪健康嘅關係就唔可以帶外來嘅食物去位置喂佢地整體嘅用餐體驗都係非常開心嘅
繼續閱讀
好好食嘅香酥雞排咖哩飯加辣更加好味！店裡面仲有貓貓好可愛！有貓貓陪我地一齊食飯，啲貓貓都好乖，唔會咬人抓人，好乖咁瞓覺。咖哩係日式甜口咖哩，唔辣，加咗啲辣油，好香好好食！
繼續閱讀
收工好肚餓，行過旺角見到呢間店入面有貓😍😍店員都好有善，坐底左張枱冇貓，都特登比貓我地玩😍😍2個人叫左2個飯都好有驚喜，燒牛排丼，咖喱吉列豬扒蛋包飯🤤🤤咖哩好香好味，豬扒炸得好鬆脆🤤🤤，雞蛋都好嫩滑😍😍入面仲有薯仔配菜好好味，大推個燒牛扒丼都好好食🤤🤤牛燒得岩岩好，陪埋個雞蛋，好食🤤2杯野飲都好靚，好飲🤗炸物一樣係炸得好鬆脆，但又咖油膩😋😋😋食完仲可以同貓貓玩😳😳😋😋😍😍整體性價比好高😍😍 價錢又唔貴，真係治癒左身心，又飽肚、又好食！ 貓貓又治癒心靈，價錢仲唔貴🥰🥰 店員態度友善，會再幫襯🥰🥰
繼續閱讀
🐾今次嚟到旺角喵星人主場，食飯之餘仲可以被幾隻超級chill嘅布偶貓圍住，完全係治癒級體驗！🍛我哋點咗兩款蛋包飯：咖喱吉列豬扒同咖喱香酥雞扒，各自配咗特色特飲（士多啤梨同百香果）。咖喱味唔會過鹹或者死辣，反而有一種微甜的香料感，幾啱香港人口味。吉列豬扒炸得香脆，肉質唔會鞋口，雞扒則勝在嫩滑，份量都算飽肚。蛋包炒得幾滑，唔會過熟，口感幾柔軟，拌飯一流。🧅加單嘅炸洋蔥圈都算驚喜，炸粉唔厚，香口唔油膩，仲配埋少少芥末醬，成件事幾惹味。🐱但最大亮點其實唔係食物——係嗰幾隻性格各異但一樣可愛嘅貓貓！有啲會跳上你大腿訓覺，有啲會主動走嚟搵你玩，仲有啲完全當你透明，自己舒服到訓死晒。全場氣氛好relax，有時貓貓會湊埋一堆傾計，感覺好似去咗佢哋屋企咁。📍位置喺旺角通菜街，地點方便。餐廳內乾淨企理，服務態度親切，收費合理（我哋兩個人總共$253）。
繼續閱讀