Off Town Kitchen

今次係同班朋友去食咁我哋多人就嗌幾個餐一齊share，今次嘅體驗同上次真係截然不同！可能因為我哋大部份女仔都係細粒，又唔覺得啲位好窄喎，係細啲香港地嘅餐廳仔係咁㗎啦！咁我哋嗌左幾個餐share好多嘢都好好食，小食方面呢有一啲細細件嘅Pizza、有炸魷魚、有肉丸、腸，都真係食前菜已經食咗七成飽，主菜嗌咗牛扒、雞同埋龍蝦，老老實實龍蝦真係好細隻啲肉嘅size等於1隻大蝦咁我哋切開分每人得一啖好細但好似一粒波子咁細。不過我就好欣賞燒雞因為份量大又好味。今次個粟米湯正常杰度及味道喎，好明顯上次個湯係溝過水同糖，今次先係原裝正版，唔知係咪上次去嘅時候太夜佢哋唔夠湯俾我哋飲唯有溝開佢，果次真係難飲到震，希望以後同樣嘅事唔好再發生。