十里洋場

營業中

休息中

佢有好多套餐都買一送一，之前食過晚市都啱心水，今次專登嚟食晏，叫咗個商務午市套餐，又係匯豐卡或者會員都係買一送一，點心就一般般啦，我哋揀咗一個蟹肉羹，一個酸辣湯，兩者比較蟹肉羹優勝，酸辣湯味道平庸，唔酸又唔辣，主菜就叫咗紅燒獅子頭同炒鱔糊，紅燒獅子頭我嫌佢啲肉唔夠鬆化，有啲乾，無咩肉汁，炒鱔糊正喎，肥大肉厚好紮實，炒得又夠味，另外一人一碗炒飯，可能啲鹽最後加，唔炒均，一碗正常，另一碗就好鹹，最敗筆就係個甜品數量，湯圓唔應該比一粒，唔好意頭，大方啲，一人兩粒，湯圓遇意好意頭，點可以比單數，我哋張兩碗每人一粒湯圓放埋一齊，但個芝麻湯圓好出色，皮薄餡靚，一咬開啲芝麻湧出來真係不得了。仲有好多嘢食未試，下次再試埋個煙燻雞蛋。