影片
更多
2022-12-12
9 瀏覽
行經尖沙咀，朋友話想食串燒🤔見呢間串燒店幾正咁，就入去試下先😋😋・ 海鮮類🦞 ▸ 蒜蓉大生蠔🦪($58/2隻)微微用火烤過嘅生蠔🦪，燒嘅時間控制得啱啱好，先可以令呢隻燒生蠔無敵美味😋烤太耐會令到生蠔變太熟，導致縮水😳如果烤時間唔夠，會好似食生蠔咁，冇燒烤味🥲 我好欣賞呢間店，將火候控制得啱啱好，而且選材方面都十分完美，蠔又甜又大隻❤️入口嘅時候爆曬汁💦💦，超級鮮甜可口✌🏼✌🏼配上蒜蓉🧄同埋香蔥，更為美味😋😋😋 ▸ 深海大墨魚咀🦑($28/串）我從來都未食過墨魚咀，原來食得㗎？😳😳聽人講呢個部位擁用墨魚最濃郁嘅味道😂😂一入口嘅時候，外皮係脆，而入面有少少食緊雞軟骨嘅感覺🐔不過係墨魚味！真係好香墨魚味✨正！😁😁・ 肉類🥩呢度大部份嘅串燒都有加孜然粉同麻辣粉做配料，辣得夠晒過癮🌶️🥵，如果怕辣當然可以走辣😘 ▸ 五花腩🐖($18/串）即叫即燒，好味道😋😋，五花腩肥瘦適中，所以口感比較嫩❤️ ▸ 厚切牛舌心🐮($36/串）唔係講笑，真係厚切！而且牛舌心牛味好濃🥰真係啱啲鍾意食牛嘅朋友😍燒得啱啱好，邊位有少少烤焦，脆脆地😛而且鎖住咗牛舌嘅肉汁，所以咬落去嘅時候感覺都好Juicy💦最後忍唔住嗌多咗一串🤭
行經尖沙咀，朋友話想食串燒🤔見呢間串燒店幾正咁，就入去試下先😋😋
・ 海鮮類🦞
▸ 蒜蓉大生蠔🦪($58/2隻)
微微用火烤過嘅生蠔🦪，燒嘅時間控制得啱啱好，先可以令呢隻燒生蠔無敵美味😋烤太耐會令到生蠔變太熟，導致縮水😳如果烤時間唔夠，會好似食生蠔咁，冇燒烤味🥲 我好欣賞呢間店，將火候控制得啱啱好，而且選材方面都十分完美，蠔又甜又大隻❤️入口嘅時候爆曬汁💦💦，超級鮮甜可口✌🏼✌🏼配上蒜蓉🧄同埋香蔥，更為美味😋😋😋
▸ 深海大墨魚咀🦑($28/串）
我從來都未食過墨魚咀，原來食得㗎？😳😳聽人講呢個部位擁用墨魚最濃郁嘅味道😂😂一入口嘅時候，外皮係脆，而入面有少少食緊雞軟骨嘅感覺🐔不過係墨魚味！真係好香墨魚味✨正！😁😁
・ 肉類🥩
呢度大部份嘅串燒都有加孜然粉同麻辣粉做配料，辣得夠晒過癮🌶️🥵，如果怕辣當然可以走辣😘
▸ 五花腩🐖($18/串）
即叫即燒，好味道😋😋，五花腩肥瘦適中，所以口感比較嫩❤️
▸ 厚切牛舌心🐮($36/串）
唔係講笑，真係厚切！而且牛舌心牛味好濃🥰真係啱啲鍾意食牛嘅朋友😍燒得啱啱好，邊位有少少烤焦，脆脆地😛而且鎖住咗牛舌嘅肉汁，所以咬落去嘅時候感覺都好Juicy💦最後忍唔住嗌多咗一串🤭🤭
▸ 四川羊肉串🐑（$28/串）
肉質比較實淨，容易飽肚😎羊嘅味道好出，配上孜然粉同埋麻辣粉，回味無窮🤪🤪
▸ 脆香鮮雞皮🐔（$28/串）
真係好香脆🤩因為佢燒得夠火喉🔥🔥出面食嘅一係就太焦，一係就燒得唔夠，搞到成口油😞，但係呢一間燒得好好食😳😳啱啱好金黃色，又夠香脆又唔會好油膩！🤭🤭🤭
▸ 雞軟骨🦴（$15/串）
燒得熱辣辣、脆卜卜😏所以唔會好韌，好易咬得開，配埋佢啲調味料🫙，食上癮🫣🫣叫多左串🤓🤓
・ 蔬菜類🥬
▸ 豆卜😋($15/串）
外皮燒得好脆！入面軟軟的🤪似海綿🧽🤩口感同味道都幾好😝😝
▸ 芫茜🥬($15/串）
第一次食燒芫茜😙😙價錢平、份量又多🤩好多人唔中意芫茜嘅草味，我又覺得燒左之後冇左浸味😚😚幾好食啊🥳🥳
▸ 蒜蓉原條茄子🍆($38/串）
好正啊😍😍茄子好吸味，所以呢個燒茄子吸曬啲燒烤味同埋蒜蓉香蔥味，令到呢個茄子好入味，真係食過返尋味😜😜😜
・ 錫紙焗系列✨
覺得呢個系列真係好抵食！因為佢份量又大又夠多😚😚😚正啊！
▸ 麻辣/蒜蓉牛舌尖🐮($58/客）
有兩款味揀，我哋揀左麻辣口味🥵，勁好食！估唔到佢除咗有好多嘅牛舌尖之外，仲有好多粉絲，唔怪之得食極都仲有😏😏😏，牛舌尖雖然冇牛舌心咁厚，但牛味都十足！麻辣唔會搶走個牛味之餘，仲昇華左個味道😇😇😇😇
▸ 麻辣/蒜蓉海大蜆😍($58/客）
呢個我哋揀咗蒜蓉口味，同蜆好夾🥰🥰🥰佢嘅蜆真係好大隻😝😝好多肉😌😌洗得又夠乾淨，一啲沙都冇，好評👍🏾👍🏾
▸ 麻辣鴨血🦆($38/客）
同樣都係好惹味、份量好多嘅一個dish🙀🙀🙀爽口嘅鴨血配上自家製嘅麻辣湯🌶️🌶️，越食越上癮🔥🔥
・ 飲品🍹
▸ 菠蘿冰🍹 ($28)
菠蘿冰係梳打水加原粒菠蘿😍😍食串燒配菠蘿可以解膩😚😚所以我就叫咗呢一杯嘢飲，夾！🫶🏻
▸ 鹹檸梳打🍹 ($28)
鹹檸比較少有，所以叫咗嚟飲😌味道不過不失😝😝😝
・ 甜品🧁
▸ 四川特色凍冰粉🧊 ($20)
我都係第一次食！口感好似果凍咁，QQ滑滑的😏😏，加上佢有自己特製嘅黑糖醬汁，同埋一啲toppings (包括提子乾、花生、山楂)，覺得呢個甜品幾特別，味道都唔錯✨✨
・ 環境🏡
串燒店嚟講，裝修已經好靚🥰仲要係小店！支持~🤭🤭裝修偏向80年代復古風，燈光比較昏黃💡，頗有特色，而且老闆娘好親切、好有人情味，也算是串燒小店嘅一個特色😌😌🫶🏻
😋味道4.9/5
🏡環境4.9/5
🍽️服務5/5
🙆🏻♀️再去4.8/5
⭐️總體評分:19.6/20
💰總消費: $620/2人(有加一)
張貼
