J.moon

旺角好多食肆，有時上樓上舖都有好嘢，今次想推介呢間都係咁。一嚟就叫左兩杯Mocktail: Andromeda 同埋 Phoenix，前者有梅味，酸酸甜甜咁；後者好重檸檬味，大熱天時飲就好消暑。雞皮餃子👍🏻👍🏻👍🏻雞皮炸到好脆又香口，餃子軟綿綿，口感豐富，不過記得攤凍d先好食，必點！煙三文魚蘑菇配溫泉蛋忌廉意粉 👍🏻👍🏻👍🏻cream再配合溫泉蛋汁，好濃郁嘅醬汁，意粉較粗身，煮到好爽身，仲有咬口，唔錯J.moon Pizza 👍🏻👍🏻薄餅好脆，佢好特別中間又有粒溫泉蛋，可以點蛋汁嚟食，所以餅底平時嘅硬少少。火腿好脆，不過我覺得有比較濃味，少少咸，不過連埋mocktails 飲就好夾。最後講下個環境，佢地有好多月球氣氛燈，營造成個環境好chill，係旺角鬧市之中算係少有嘅旺中帶靜嘅地方，推介畀大家！