鮨逸

營業中

休息中

銅鑼灣都幾多omakase既店，「鮨逸」都係其中一間，而且去果日有個$748/人既套餐，包好多嘢食，仲要每樣都幾高質，真心推介！ 一開波嘅安康魚肝質地細滑似慕絲，味道濃而不膩；蟹肉蟹膏豆腐就鮮味爆棚，面頭啖啖蟹肉份。 刺身三品中，活龍蝦配海膽最名貴，龍蝦刺身爽彈，海膽嘅甜味同蝦膏嘅醇厚完美融合。白身魚配海膽豆腐淡雅得嚟有深度，炙燒真鯛面頭嘅酸瓜碎畫龍點睛，酸香平衡隻燒咗嘅金雕魚油香。 揚物嘅油坊主天婦羅炸功了得，薄脆唔油膩，海苔汁帶微微鹹香，魚肉都算厚肉，好好味。壽司五貫全部高水準，特別係炙燒鰈魚裙邊，油脂豐富好鬼正；煙燻池魚煙燻香唔會搶風頭，魚肉依然鮮嫩；縞鰺油潤得嚟帶咬口，不愧「深海魚王」！ 松葉蟹黃生酢手卷塞爆蟹肉絲；三色丼將拖羅蓉、海膽、三文魚籽堆到滿一滿，擺盤超靚，撈勻食每一啖都係享受。最後飲碗姬松菌湯清一清，再歎埋豆腐雪糕，十勝紅豆嘅甜度剛好，為呢餐畫上完美句號。 追加嘅House Sake爽口清甜易入口又唔搶食物味道，配刺身一流。