極尚大喜屋 (銅鑼灣廣場一期)

營業中

休息中

好耐冇食過放題就心郁郁去左食🤫 今次揀左銅鑼灣嘅極尚大喜屋 之前都食過一次 印象當中啲野食幾好食 而今次再去依舊保持水準😎🍀晚市放題坐底點左啲野食之後 去左自助區睇下有咩食 而我就攞左少少麻辣豬脷 麻辣魚皮 小丸子 炸餃子 小籠包食 整體食物都正常發揮 麻辣嘅小食恰到好處 少麻少辣😛 炸物香脆可口 又有保暖燈照住 所以有一定溫度😉 之後就食左刺身 三文魚 赤蝦 甜蝦 赤貝 帶子 全部都夠新鮮 好鮮甜😍蒜蓉燒蠔大細正常 不過佢比較特別 唔係用生蒜蓉 而係用炸蒜 但都好食🦪 黃金軟殼蟹 黃金魚皮嘅鹹蛋黃味道香濃 咬到有少少鹹蛋黃粒 好正😆 鵝肝多士 鵝肝好飽滿 燒得恰到好處一啲都唔乾 咬落好香濃🤩 花雕醉鮑魚嘅花雕味清香 鮑魚彈牙有咬口🤪 燒香草羊胺 牛舌有嚼勁 肉味濃厚又多汁😋 甜品仲可以喺自助區到攞 Häagen-Dazs雪糕仲可以飲食添🥰