龍味館

營業中

休息中

好耐冇食中菜啦 今次同朋友收工之後黎左龍味館食飯 餐廳環境舒適 店員服務都好好 食物質素都吾錯 如果係啲小型聚餐都好適合☺️🍀鮑汁牛腩牛筋煲牛腩好軟嫩 同時保留到少少嚼勁 再點少少鮑汁更加入味😋 牛筋睇佢嘅色澤已經知好入味 入口嘅味道好濃郁😍 白蘿蔔冇渣好淋 好好食🤣🍀香烤蜜餞豚肉叉燒份量幾多 味道吾會太甜 半肥瘦叉燒夠晒軟嫩 肉質吾韌🐷🍀鮑汁福建炒飯依個超級好食😆 芡汁恰到好處 吾會太烯 而且材料好豐富 蝦仁🦐 干貝 瑤柱等 每一啖都好夠味好正🥰🍀流沙荔枝球中式點心再整做荔枝外表 入面係流沙奶黃黎 表面就係煎黎 同樣都好好食🤤