M馬(容) (已結業)

步入餐廳時餐廳傳來陣陣嘩然，有poker枱又可以唱k嘅包廂﹑有無敵大海景可以睇日落嘅露台位置﹑裝修奢華但唔老套，隨處可見貴價figure⋯sorry其實個啲哇哇聲係我地兩個發出嘅（ꉺ▿ꉺ）❝晚市套餐❞ ($1,280／兩位，加一及茶芥後$1,470)第一道菜係〔水鎮南非鮑魚 配 柚子蜜餞南瓜片〕，鮑魚非常爽口﹑肉質有彈性，鮮味突出，本身個人大愛南瓜，用柚子蜜餞入饌令甜度更高更美味。之後有〔XO醬爆斑球玉帶〕，魚肉鮮甜惹味，而墊底嘅蔬菜又出奇地入味﹑軟熟。〔金湯蟹肉燴燕窩〕蟹肉份量大方，整體高級感滿滿，完全係味蕾享受。到〔上湯焗澳洲開邊龍蝦（南瓜麵底)〕上菜時又忍唔住驚呼一輪，兩個人各自有大大隻嘅半邊龍蝦！size相當驚人，肉質極為彈牙，配麵配上芡汁邪惡又美味。享受完鮮味衝擊之後以為食菜就會清翻少少，點知〔蟹粉扒有機菜蔬〕又係落蟹粉唔使錢咁樣，鋪滿表層。最後嘅主食係〔龍蝦湯金銀泡飯〕繼續鮮味滿分，非常飽肚。作結甜品〔香芒鮮奶酪〕奶香非常香濃，奶凍嫩滑，配合芒果一流。𓂃𓈒 𓂂𓏸 M馬(容) 𓏸𓂂 𓈒𓂃 @mma535restaurant 銅鑼灣謝斐道535號TOWER 535 25樓港鐵銅