森堡美食

營業中

休息中

又來新北江了，呢度既餐廳多到兩個星期都食唔晒，今日去左開左好多年既森堡餐廳，最喜愛佢個自選焗飯。自選焗飯由主菜，配料，醬汁同飯麵都有得揀，包你可以食到自己最想食既焗飯。今日叫左白汁雞扒蟹柳焗意粉，由於係即叫即焗，所以等候需時。上檯時已經聞到好香濃芝士味，入口熱辣辣，意粉沾滿白汁非常好味，雞扒雖然唔係好大塊，但都夠嫩滑，可惜蟹柳只有一條，如果可以切成絲分佈得均勻d會更好。自選焗飯加四蚊有台式飲品，選擇都唔算少，今日叫左杯凍荔枝綠茶，入口甜甜荔枝味，配埋綠茶飲真係份外清新。總括黎講，呢度焗飯夠晒多選擇，而價錢亦唔貴，得閒黎試下唔同款式都唔錯。