森堡美食

回頭度🍪7.5/10｜人均消費💰~$45-60-👍🏻下午茶焗粉麵餐 $44呢到嘅焗餐係即叫即焗價錢仲要相當抵食🤩可自選兩款餸同一款主食仲有十款醬汁任君選擇🥳今次我就揀咗粟米雞絲烏冬🍜蒜蓉汁份量都好多 仲有芝士🧀過嚟天水圍必食😋整體味道🌕🌕🌕🌗🌑抵食🌕🌕🌕🌕🌑…查看更多

今日假期經過新北江，心裏突然想起以前同同學成日去食森堡，於是即刻約埋幾個朋友重溫下當年嘅滋味。我點咗雞扒煙肉炒飯底葡汁焗飯。呢個焗飯嘅雞扒真係唔少，肉質鮮嫩，煮得啱啱好，食落好滿足。煙肉都有兩大片，咬落去好香，令炒飯多咗層次感。而且嗰個葡汁，濃郁得嚟又唔會搶咗其他味道，跟焗飯一齊食，真係一啖接一啖，完全停唔到。今次重拾舊日回憶，真係唔止食到美食，仲感受到同朋友之間嘅情誼。新北江嘅美食依然咁吸引，期待下一次再來探索更多好味道！…查看更多

自選焗飯系列：今次我簡咗沙嗲汁吉列魚柳焗炒飯，用炒飯做飯底真係好好味。吉列魚柳炸至金黃脆口，加埋香滑嘅沙嗲汁，令炒飯多咗份濃郁嘅香氣。食落每一啖實在好滿足。泰式醬炸雞：呢款炸雞嘅外皮炸得脆脆的，而內裡嘅雞肉都可以keep到好嫩滑。泰式醬汁帶有微辣同甜味，獨特嘅風味提升咗炸雞嘅層次感。…查看更多

一直都幾鍾意呢間既香辣椰汁湯配通心米線，但今次通心米線明顯有霉菌😅打過去講返淨係話佢嗰度既冇發霉，唔啱食就退返錢俾我，一句唔好意思都冇，好似我呃飯食咁😢咁問佢點退又話會轉數快，電話又冇問就收左線，錢又冇收過🫠只可以講冇下次🙂‍↔️…查看更多

黑椒汁雞排午餐肉焗飯十分好食，獨特的味道暫時未在其他地方食到咁樣的味道。黑椒汁有小小辣，雞排很嫩，午餐肉像餐蛋面的感覺，飯粒粒分明，不會好濕。每個細節位使呢個餐變得好食。…查看更多

十幾歲中學時期食到三十歲，推薦自選焗飯食開白汁墨魚仔粟米焗烏冬，同黑椒汁韓式烤肉粟米焗炒飯烏冬份量少啲，女生夠飽，男生未必夠飽，炒飯就份量多。食物算中上但環境擠迫小小。…查看更多

森堡美食係係天水圍既樂湖站新北江商場1樓美食街內.雖然位置唔係超方便，但商場入面充滿唔同嘅小店餐廳，好有人情味.餐廳細細，只有9張4人枱，但係需要等嘅時間唔會好長，返枱率算高.❇️食物1️⃣焗勁辣牛魔王（黑椒汁+咖喱汁）入面嘅牛肉有牛扒加牛腩，好淋 加好入味.2️⃣焗白汁海鮮大會海鮮大會包括4大塊煎魚柳，蟹柳，蜆肉，魷魚.除左焗炒飯底，仲可以要轉長通粉，米線，烏冬等等.另外如果想加飲品只係$6 ，台式飲品加$7.又抵食 又有人情味 正…查看更多

由中學食到而家都仲保持到水準既森堡唯一唔同既就係 物價通漲 貴左唔小🥲一入到去都係見到中學見慣既老闆同員工不過而家先進左 一坐低就可以掃QR Code 落單變左唔小啊 科技化左環境指數：⭐️⭐️⭐️⭐️唯一缺點真係太迫 不過真係咁先有親切感😎食物指數： ⭐️⭐️⭐️⭐️⭐️二個人叫左二個自選焗飯😋吉列魚柳火腿焗飯- 蒜茸汁一個焗飯有五大舊吉列魚柳 炒飯底 真係好好食白汁雞絲粟米飯雞絲係雞扒碎件上真係好抵食又好味😋😋…查看更多

今日去天水圍買模型，之後去新北江搵野食12:00左右見到呢間舖冇乜人，應該啱啱開舖，所以就同朋友一齊入去食韓式烤肉+芝士腸南瓜汁焗長通粉厚厚嘅芝士覆蓋住長通粉，烤肉同長通粉份量多，芝士腸印象中都有三四條。南瓜汁感覺似粟米汁，冇乜南瓜味+$6凍奶茶朋友食嘅係鐵板海鮮炒烏冬，份量都多雜錦海鮮以炸魚柳最大件其實呢間舖都幾多人食，越食越多人入座，外賣訂單亦都一路做，但店舖座位都有啲窄，坐滿人嘅時候起身都幾麻煩…查看更多

今日做完運動後黎左呢間森堡美食食lunch。呢到最出名係焗飯/意粉，但自己唔想食太多汁，所以嗌左呢份雞扒牛扒煎蛋上湯米粉，但就上漏左雞扒，有後補番。總結黎講湯麵係正常水準，但相比焗野就普通左d…查看更多

森堡係天水圍都已經好多年，係由夫妻檔經營，都算係由細食到大，原因不外乎抵食同好食又有特色，飲品種類又多，餐廳定位其實好雜可以話乜都有d，焗野同湯麵類有好多配搭，中式飯又有，甚至有d野真係係其他西餐或茶餐廳都好少出現既野，種類太多數之不盡，由於都有一段時間無食今日就去食個下午茶。係新北江入面都係蚊型店，環境相對比較細同幾迫，人多時就一定坐得唔太舒服，不過新北江入面主要都係食食物唔係食環境，所以都有一定既街坊支持。雙拼焗野係我每次黎都食既野，大多數黎森堡食野都係食焗野，可以揀炒飯底或意粉長通粉之類，汁底又有好多種，好受歡迎，咁耐無食質素都保持到，唯獨是價錢貴左好多，下午茶而家都要41蚊，可見通貨膨脹得好勁。韓式烤肉雞翼南瓜汁長通粉今日既選擇，雞翼有兩隻係炸完後擺落去既，炸得好香脆，而d肉又唔會炸到乾，食落都好嫩滑，韓式烤肉即係豬肉片，有調味唔會淡茂茂，份量就唔多大約5小塊左右，南瓜汁有輕微甜味整體比較似白汁，焗既火喉時間都好足好夠熱，而d汁都夠傑身唔會水汪汪，長通粉有坑紋好掛汁，煮得岩岩好唔會太腍或太硬，我真係敢講好食過好多出面賣成舊水一個既焗野，雖然價錢貴左但都比出面平同質素都比好多地方做得好好多了。枱上仲有罐芝士粉，想芝士味濃d可以自由加，好多人都加完又加架包括我。凍柚子茶台式跟餐加7蚊，1年前都只係加4蚊，呢杯茶就略淡少少，底下都有d柚子皮，少少柚子味都有既，當飲少甜啦無咁罪惡。整體黎講食焗野真係揀森堡做首選，小菜類同中式飯以前都食過就比較一般d，所以黎森堡既人10居其9都係食焗野，未試過既朋友就一定要試下啦。…查看更多

間唔中就會想食焗飯住大西北，一想食焗飯就諗起佢黎個自選焗飯🍛🌟印尼加多加多汁🌟牛腩拼餐肉🌟炒飯底食肉瘦，大胃王之選份量大到食唔哂😂加埋鐵杯凍奶茶結尾$53飽到震…查看更多

街坊都知既森堡餐廳小店街坊既話, 裝修就要求太多咖啦都幾多人幫襯焗飯幾好味既點左個牛魔王焗飯個汁係mix左咖喱汁加黑椒汁牛腩可以 唔會太硬個飯底係乾身 唔會太濕 單係呢點已經嬴好多店個汁都偏濃味 可以接受個汁表面有少少黑黑地 feel到佢經過歷練…查看更多

天水圍新北江商場很多餐廳小店~其中一些每次都大排長龍,所以我通常會選人不算多,但食物質數不錯的森堡~其實已經不知第幾次來吃飯,個人最喜歡這家的滑蛋豬扒飯~不過這次試了生炒牛肉飯~炒飯很香,牛肉亦不錯,只是間中有些筋~炒飯中用的是椰菜絲,非一般用的生菜絲,吃起來更有咬口~另外點了一個雞翼西蘭花白汁意粉~這家的焗粉麵飯配搭實在太多,每次都可以轉不同的配搭,日日有新意~這次試試雞翼,炸得十分香脆,稍稍有調味,整體不錯~而且貼心的把炸雞翼放在焗意粉上面,避免白汁令雞皮變軟~加凍飲只需加5蚊~凍檸茶味道OK,茶味不算濃~但沒有叫少甜也不會過甜~街坊小店,以這個價錢,這種質素算很不錯~當然亦有部份食品比較伏,例如炸魚,鹼水味會比較重...…查看更多

喱間嘅焗飯可以話係由細食到大！๑•̀⌄•́๑ 真係keep住咁耐都係咁好味啊！♡#雞翼沙嗲牛肉焗飯 /黑椒汁焗飯叫左炒飯底，炒飯唔會太濕太油，炒得粒粒分明～雞翼有兩大隻，個皮係炸/焗到勁脆！๑•̀⌄•́๑但係食落又唔會乾！好juicy 好香口好好味!! ♡沙嗲牛肉正常發揮， 唔會好韌加埋黑椒汁真係勁開胃！黑椒汁唔係偏甜個隻，而係惹味有啲辣個隻！真係無得彈啊！♡…查看更多