泰簡單

營業中

休息中

最近去咗銅鑼灣總統戲院頂樓嘅泰國餐廳「泰簡單」，真係好有驚喜！呢度環境好chill，裝修好有泰國風情，仲好適合打卡添！夜晚同朋友過嚟，飲杯Cocktail，吹吓水，真係好寫意㗎。 首先講吓啲食物，真係好正宗！廚師同侍應全部都係地道泰國人，難怪味道咁出色。我哋叫咗冬陰功湯，湯底好濃郁，酸辣度啱啱好，入面啲蝦好新鮮，食得出係靚料。小食方面，炸素菜春卷真係好正，外皮炸得好脆，入面啲餡料好豐富，食落口感一流。 蔬菜叫咗馬拉盞炒椰菜苗，真係炒得好惹味，椰菜苗新鮮爽口，配埋馬拉盞嘅鹹香，簡直係絕配！主菜試咗蛋網雞球炒金邊粉，個蛋網整得好精緻，睇得出廚師嘅手藝，金邊粉彈牙，雞球好足料，整體好滿意。 飲品方面，我哋叫咗鮮青檸特shake冰，佢用咗個Shake Shake杯，自己倒落去杯冰度，好盞鬼！青檸味道好fresh，好解膩。另外叫咗杯漫天飛花，係鮮火龍果加橙汁，生果好新鮮，原來呢兩個生果可以咁夾，飲落好清新。