穴 (奧海城二期)

營業中

休息中

黎依度最少都一個月一次。每次無訂位都有位。我中意依度食物質素好，奧海城一二三期黎講得依間我會次次叫刺身食。平時散叫前菜主菜飲品，今次就試下二人餐！二人餐份量相當，基本上咩都有，前菜主菜串燒炸物甜品等等，係唔包野飲。不過我中意飲茶就無叫了。前菜蟹籽青瓜沙律，感謝fresh又健康。之後刺身四點，我一般都唔中意食魚刺身，但依間啲魚唔會點樣覺得好鯹，又咬得爛，仲要佢冰上感覺新鮮，帶子最正，好食到唔識形容。之後壽司三款加牛油果鰻魚卷全部都oyishii~~鬆軟度口感一流！再來炸物同串燒已經飽飽地，來多碗牛肉烏冬真係飽到加零一，烏冬係稻亭烏冬，牛肉亦有好多塊。最後我都食曬既。最後我相信好多人都有第二個肚係for甜品既，我都唔例外，叫左柚子同抹茶雪糕，抹茶食得多，柚子未試過感覺新鮮，食落夾雜啲柚子皮，又幾得意。服務依間不嬲都好好，keep住幫手加茶，野食都黎得快，餐具污糟亦主動更換，用餐體驗每次都好好。