影片
更多
2022-12-25
451 瀏覽
有人可能會覺得印度餐廳好有距離，又或者唔識點菜，其實，都唔係嘅。好似呢間羅勒印度餐廳，店員都算幾熱情，餐牌又有曬中英文，就算英文麻麻，this this this都一樣叫到你想要嘅菜式，例如Tandoori Chicken, Chicken Masala, Buffer Chicken, Naan, Mango Lassi呢啲都係好typical嘅印度菜式，可以參考下...套餐所提供嘅選擇基本上包含左最typical嘅所度菜式，唔想諗食咩嘅，揀Happy Meal二人套餐就最簡單，有咖喱角、Tandoori Chicken（香辣烤雞）、Lamb Masala（瑪沙拉羊肉）、Vegetable Curry（什菜咖喱）、Naan（印度薄餅）、印度炒飯，及兩杯飲品。飲品加$15可轉Mango🥭 Lassi，飲落其實同Yogurt Drink差唔多，醇香奶滑，幾有芒果味，但又唔會太甜。Tandoori Chicken（香辣烤雞）經香料醃製，呈橙紅色，烤至外香內軟，味道濃郁，微微辛辣，亦可搭配薄荷醬一同享用。Lamb Masala（瑪沙拉羊肉）其實都係咖喱，不過偏辛香，香料味重啲，濃味少少，羊肉
套餐所提供嘅選擇基本上包含左最typical嘅所度菜式，唔想諗食咩嘅，揀Happy Meal二人套餐就最簡單，有咖喱角、Tandoori Chicken（香辣烤雞）、Lamb Masala（瑪沙拉羊肉）、Vegetable Curry（什菜咖喱）、Naan（印度薄餅）、印度炒飯，及兩杯飲品。
飲品加$15可轉Mango🥭 Lassi，飲落其實同Yogurt Drink差唔多，醇香奶滑，幾有芒果味，但又唔會太甜。
Tandoori Chicken（香辣烤雞）經香料醃製，呈橙紅色，烤至外香內軟，味道濃郁，微微辛辣，亦可搭配薄荷醬一同享用。
Lamb Masala（瑪沙拉羊肉）其實都係咖喱，不過偏辛香，香料味重啲，濃味少少，羊肉軟腍，幾入味。
Vegetable Curry（什菜咖喱）較似普通黃咖喱，但奶香味較重，而且唔辣，配飯/薄餅都幾合適。
Garlic Naan（蒜蓉印度薄餅）有兩大塊，外脆內軟，帶蒜香，無論係配Lamb Masala定Vegetable Curry，一樣咁好食，非常百搭。
印度炒飯飯粒較細長，感質較乾，就咁食唔太慣，但撈埋Lamb Masala定Vegetable Curry一齊食，又係好好食。
張貼
